Kapau ʻokú ke puke pe ʻikai lava ʻo mavahe mei ʻapi ke fakatau ha meʻakai pe ngaahi meʻa mahuʻinga, talanoa mo ho fāmilí, fāmili, kaungāmeʻá mo e kaungāʻapí ke ʻilo pe te nau lava ʻo tiliva atu kiate koe.

ʻAhiʻahi 'a e tiliva me'atokoní hangē ko e supamaketi 'oku nau tiliva ki 'apí, ngaahi pāsolo me'akaí, meʻatokoni 'osi ngaohi 'o fakapoloka, lēsisita ki he ngaahi puha meʻakai (hangē ko e My Food Bag mo e Hello Fresh) pe ko ha toe faʻahinga tokoni pe ki hono tiliva ʻo e meʻakaí.

Te ke lava foki ʻo fakaʻaongaʻi e founga fakatau 'a e supamāketi ki he click and collect ('ota he 'initanetí kae toki 'omai), pea kole ki ha'o kaungāmeʻa ofi atú, mēmipa ʻo e familí pe kaungāʻapí ke 'alu 'o 'omi ma'au. Mahalo naʻe fakatatali ʻe hoʻo supamāketí ha ngaahi taimi fakatau mahu'inga ma'a kinatuolu 'oku nau fu'u fiema'u ke nau fakaʻaongaʻi ʻa e fakatau he ʻinitanetí.

Kapau ʻoku ke fiemaʻu fakavavevave ha meʻakai, hangē ko ʻení ʻi he houa ʻe 24 ki he 48 ka hokó, ʻe lava ke tokoni hoʻo foodbank (feitu'u tokoni me'akai) fakafeitu'ú.

Te ke lava ʻo maʻu ha tokoni fakapaʻanga ki he meʻatokoní ʻo fakafou ʻi he Work and Income.

• Telefoni ki he 0800 559 009

Faka'ehi'ehi ma'u pē ʻi he taimi ʻoku ke ma'u ai ha ngaahi fakatau 'oku tiliva atu

• 'Oku 'ikai ke fai ha fetu'utaki vāofi 'i he tiliva atú.
• Kapau ʻoku ke tiliva ha koloa, manatuʻi ké ke tauhi e vāmama'o mita 'e 2 pea tui ha me'a'ufi'ufi mata.
• Kapau 'e tiliva atu ho'o fakataú, manatuʻi ké ke fakamama'o 'aki ha mita 'e 2 mei a kinautolu 'oku nau tiliva atú, tui ha me'a'ufi'ufi matá pea fufulu mo ngāue 'aki e me'a fufulu kemikalé ho ongonimá hili ho'o fokotu'utu'u e fakataú ki hono ngaahi feitu'ú.

Tokoni ki he kakai matuʻotuʻa angé

ʻE lava pe ha taha 'o tā ki he Potungāue Tokangaekina 'o e Kau To'ulekeleka 'i Nu'usila (Age Concern New Zealand) 'i he 0800 65 2105 ke ma'u ha fale'i mo e poupou.

Tokoni ki he fāmili

ʻOku tokoni ʻa Whānau Ora ke malava e fāmili ke ma'u e ngāahi ngāue tokoni moʻui leleí mo e ngaahi tokoni fakauelofeá, pea feau e ngaahi tefitoʻi fiemaʻu ki he meʻakaí, nofo'anga, hita, ngāue'aki e ʻinitanetí, vaí mo e fakatafenga.

Te ke lava ʻo fetuʻutaki ki he Whānau Ora ʻi he:

• 0800 929 282 kapau ʻoku ke ʻi he Motu Noate
• 0800 187 689 kapau ʻoku ke ʻi he Motu Saute

Ko e tokoni mei he Kau Ngāue 'Ofa 'o e Fānau Ako

Kiate kinautolu ʻoku nau fakamavaheʻi pe ʻikai ha toe founga ke ma'u ai ha meʻakai, ʻoku ʻi ai ha tokoni ʻa e Kau Ngāue 'Ofa 'o e Fānau Ako. 

Kapau ʻoku ke fiemaʻu tokoni pe totongi ha nofo totongi lolotonga 'o e COVID-19, ʻoku lahi ha ngaahi founga kehekehe ke maʻu ai ha tokoni. ʻOku fakafalala pē ia ki he tuʻunga ʻokú ke ʻi aí.

ʻI ha tuʻu fakatuʻutāmaki ki ha kē/tā/fuhu fakafāmili ʻi hoʻo nofo'anga lolotonga

Kapau ʻoku ke ʻi ha tuʻunga fakatuʻutāmaki fakavavevave tā ki he 111 pea lomi'i ʻa e 55.

Ka ʻikai pea tā ki he:

• Women’s Refuge (Hūfanga'anga 'o Hou'eiki Fafiné): 0800 733 843 — 'oku ngāue houa ʻe 24 he ʻaho, 'i he ʻaho ʻe 7 he uike
• Shine: 0508 744 633 — 9am ki he 11pm, 'i he ʻaho ʻe 7 he uike
• Shakti International: 0800 742 584 —  'oku ngāue houa ʻe 24 he ʻaho, 'i he ʻaho ʻe 7 he uike.

'Okapau 'oku ke fiema'u fakavavevave ha nofo'anga 'i loto 'i ha 'aho 'e 7 pea 'oku 'ikai ke 'i ai ha toe feitu'u ké ke nofo ai

Fetuʻutaki ki he Work and Income

• Telefoni ki he 0800 559 009 Monite ki he Falaite, 7am ki he 6pm mo e Tokonaki, 8am ki he 1pm.
• Kapau ʻokú ke siʻi hifo ʻi he taʻu 19, peá ke pehē "youth client" ʻi he taimi te ke telefoni aí. Pe telefoni ki hoʻo kautaha Tokoni ki he Toʻutupú kapau ʻoku ʻi ai.
• Vakaiʻi ke maʻu ha fakamatala lahi ange ʻi he workandincome.govt.nz

'Okapau 'oku 'ikai ké ke malava 'o ma'u ha tokoni mei he Work and Income

Kapau ʻoku ke tukuvakā koeʻuhi he naʻe ʻikai ké ke lava ʻo aʻu ki ʻapi kimuʻa pea ʻosi e vaha'a taimi ʻo e fefonongaʻaki fakalotofonua, pea ʻikai ha feituʻu ké ke nofo ai, fetuʻutaki ki hoʻo Kulupu Maluʻi Fakapuleʻanga mo e Tokangaekina ʻo e Meʻa Fakatuʻupakē (CDEM).

Kapau ko ha tokotaha nofo totongi koe 'i he nofoʻanga ʻo e Kāinga Ora pe ko ha Kautaha Fale Nofoʻanga ʻo e Kolo, fetuʻutaki ki hoʻo pule tokangaekina ho'o nofo totongi.

• Kapau ko ha kasitoma Kāinga Ora koe, tā ki he 0800 801 601.

Ngaahi paloalema fakanofo'anga makatu'unga mei he ngaahi tu'utu'uni fakamo'ui lelei

Kapau 'oku 'ikai malava ke fakamavahe'i 'i 'api, pe ko e tokotaha faifatongia koe ki he mo'ui lelei 'oku ke nofo fakataha mo ha ni'ihi 'oku nau tu'u lavea ngofua ki he pihia 'i he COVID-19 tā ki he laine COVID Healthline 'i he: 0800 358 5453.

Ko e mavahe mei he Feitu'u Tokangaekina 'o e kau Fakamavahe'i pea 'oku 'ikai ke ai ha feitu'u ke nofo ai:

• Vakaiʻi hoʻo puha Talitali Leleí ke maʻu mei ai ha fakamatala ʻaonga.
• Kapau ʻoku ʻi ai haʻo ngaahi fehuʻi lahi ange, talanoa mo e pule e Feitu'u Tokangaekina 'o e kau Fakamavahe'i ne tokanga'i ai koe.

Fiema'u tokoni ke totongi 'a e falenofo'anga pe nofo'anga 'oku ke 'i ai

Kapau ko ha tokotaha nofo totongi koe 'i he nofoʻanga ʻo e Kāinga Ora pe ko ha Kautaha Fale Nofoʻanga ʻo e Kolo, fetuʻutaki ki hoʻo pule tokangaekina ho'o nofo totongi.

Kapau ʻe ʻikai pea ke fetuʻutaki ki he Work and Income

• Telefoni ki he 0800 559 006 he Monite ki he Falaite, 7am ki he 6pm mo e Tokonaki, 8am ki he 1pm.
• Kapau ʻokú ke siʻi hifo ʻi he taʻu 19, peá ke pehē "youth client" ʻi he taimi te ke telefoni aí. Pe telefoni ki hoʻo kautaha Tokoni ki he Toʻutupú kapau ʻoku ʻi ai.

'Ikai ko ha tokotaha ma'u pepa nofo Nu'usila pea 'ikai ke 'i ai ha feitu'u ke nofo ai

Fetuʻutaki ki hoʻo kau talafekau lahi pe talafetau ʻo kole ha tokoni.

Ko e tefitoʻi maʻuʻanga tokoni ʻa e puleʻanga ki he fakamatala fakapisinisi ʻo e COVID-19 mo e ngaahi fakamatala fakamuimuitaha fekauʻaki mo e COVID-19 mo e fakahinohino ke tokoni ki he ngaahi pisinisi.

Ngaahi tokoni COVID-19 ki he kau pulengāue e Work and Income NZ

Telefoni fekauʻaki mo e ngaahi totongi COVID-19 ki he ngaahi pisinisi kapau te ke fakangāue'i ha kakai. ʻOku kau ʻi he tokoní ʻa e:

• Tokoni ki he Livi
• Totongi ki he Nofo Taimi Nounou he Ngāue.

Te ke lava ʻo puka hoʻo huhu maluʻi COVID-19 he taimi ni.

ʻOku ʻomi ʻe he COVID Vaccination Healthline ha fakamatala ki he huhu maluʻi mo tokoniʻi e kakai ke nau puka ʻenau huhu maluʻi ʻo fakafou ʻi he uepisaiti Puka ʻEku Huhu Maluʻi.

• ʻOku lava ke maʻu atu ʻa e ngaahi ngāue tokoni fakatonulea.
• Te ke lava ʻo kole ké ke lea ki ha tokotaha fale'i Māori.
• ʻOku ʻi ai ha timi ʻo e kau fale'i faivelenga ke poupouʻi ʻa e kakai faingataʻaʻia fakaesino mo ʻenau kau tauhi, pea mo kinautolu ʻoku 'i ai ha'anau palopalema fakamo'uilelei.
• Kapau ʻoku ʻi ai haʻo ngaahi fehuʻi fekauʻaki mo e huhu maluʻi pea ke fie talanoa mo ha taha, ʻe lava ke tokoni ʻa e COVID Vaccination Healthline.

Kapau ʻoku ʻikai ké ke ʻiloʻi ho fika NHI, te ke lava ʻo telefoni ki he 0800 855 066 ké ke ʻiloʻi. ʻOku ʻaonga ke maʻu hoʻo fika NHI ʻi he taimi ʻoku ke fai ai ha pūkingi ki he'etau huhu maluʻi COVID-19.

Kapau ʻoku ʻi ai haʻo ngaahi fehuʻi fekauʻaki mo hono fakalaele 'o e fakamavaheʻí mo kolonitiní (MIQ), kau ai ʻa e ngaahi totongi mo e totongi faka'atā:

• Telefoni ki he 0800 ISOMIQ (0800 476 647) mei Loto Nuʻusila.
• Tā ki he +64 4 931 5720 me i tu'a mei Nu'usila pe kapau 'oku ke 'i Nu'usila mo ha SIM fika fakatu'apule'anga. 'E totongi 'aki 'a hono totongi pau.

Kapau ʻoku ʻi ai haʻo ngaahi fehuʻi pe fakamatala tokoni fekauʻaki mo e COVID Tracer app:

• telefoni ki he 0800 800 606 ʻi he Monite ki he Falaite, 8am ki he 5pm.
• maʻu ha tokoni ʻi hono faʻu hoʻo ngaahi pousitā QR fakaʻofisiale ʻi he ʻīmeilí
• ʻīmeili hoʻo fehuʻí pe fakamatala tokoní ki he

ʻI hoʻo ʻimeilí, fakakau ai ʻa e faʻu mo e sīpinga hoʻo telefoní, polokalama ngāue'akí pea kapau ʻoku fekauʻaki hoʻo fehuʻí mo ha palopalema ʻoku ke aʻusia, ko ha fakamatala nounou ʻo e palopalema.

Kapau ʻokú ke fiemaʻu ha fakamatala fekauʻaki mo hoʻo fokí, te ke lava ʻo telefoni ki he senitā fetu'utakí ke maʻu mei ai ha faleʻi:

• +64 4 931 5720  kapau ʻoku ke ʻi ʻAositelelia — ʻe fakaʻaonga'i e totongi tefito ki ai
• ko e fika 0800 476 647 kapau ʻoku ke ʻi Nuʻusila — ʻoku taʻetotongi ʻa e ngaahi telefoni ni

Te ke lava ʻo telefoni ʻi he vahaʻa ʻo e 8am ki he 10pm 'i he taimi 'a Nu'usila (NZT), ʻaho ʻe 7 he uike.

Kapau ʻoku ʻi ai haʻo ngaahi fehuʻi fekauʻaki mo hoʻo booking, kataki ʻo fetuʻutaki ki hoʻo kautaha vakapuna.

Ko ho fatongia ke tokangaʻi hoʻo fakamole ki he fakahohaʻasi ʻo e fefonongaʻaki.

ʻI ha meʻa fakatuʻupake pe fakavavevave

Kapau ko ha tangataʻi fonua Nuʻu Sila koe ʻi muli te ke lava ʻo maʻu ha tokoni consular ki he meʻa fakatuʻupakee. Te ke lava ʻo maʻu ha tokoni ki he ngaahi tukunga hange ko e mole pe kaihaʻasi paasipooti, mate, ngaahi palopalema fakaemoʻui lelei mo e lao infringements.

He ʻikai lava ʻe he kau ngaue Consular ʻi Nuʻu Sila pea ʻi hotau ngaahi ʻofisi Consular ʻi ʻAositelelia ʻo fokotuʻutuʻu ha feituʻu ke mavahe pe fakakolonitini (MIQ) pe ko ha puna ki Nuʻu Sila maʻau.

Maʻu ha tokoni fakavavevave mei he talafekaú 'i haʻo tā ki he:

• fika +64 99 20 20 20 kapau ʻikai ké ke 'i Nuʻusila
• fika 0800 30 10 30 kapau ʻoku ke ʻi Nuʻusila.

ʻOku 'atā ʻa e tokoni fakavavevave mei he talafekaú 'oku ngāue houa ʻe 24 he ʻaho, 'i he ʻaho ʻe 7 he uike.

ʻOku ʻomi ʻe Vaka Tautua ha tokoni taʻetotongi ʻi he lea Faka-Haʻamoa, Faka-Tonga, Faka-Kuki 'Ailani, Faka-Māuli mo e lea Faka-Pilitāniá. Te ke lava ʻo tā taʻetotongi ʻi he 0800 652 353 Monite ki he Falaite 8:30am ki he 5pm.