Naʻe lava ke maʻu ʻa e Totongi ki he Nofo Taimi Nounou he Ngāue ʻa e COVID-19 ki he ngaahi pisinisi, kau ai ʻa kinautolu fakalele ngāue fakatāutaha, ke tokoni ʻi hono totongi ʻenau kau ngāue naʻe ʻikai ke nau lava ʻo fakahoko mei ʻapi lolotonga ʻenau tatali ki ha ola ʻo ha sivi PCR ʻi he COVID-19.
Naʻe maʻu ia ʻi he vahaʻa ʻo e ʻaho 9 ʻo Fēpueli 2021 mo e ʻaho 17 ʻo ʻOkatopa 2022. Kuo tāpuni ʻa e ngaahi tohi kole ki he Totongi ki he Nofo Taimi Nounou ei he Ngāue.
Kapau he ʻikai te ke lava ʻo ngāue mei ʻapi lolotonga hoʻo fakamavaheʻi koe, ʻe lava ké ke ma'u e Tokoni ki he Livi 'o e COVID-19. ʻOku fiemaʻu ke tohi kole atu hoʻo pule ngāué maʻau. ʻE lava foki ké ke fakaʻaongaʻi kapau ʻokú ke fakalele ngāue fakatāutaha 'iate koe pe.
ʻE lava foki ké ke ma'u e tokoni ni kapau ʻoku ke ʻi ha tuʻu lavea ngofua ange pe ko ha taha ʻoku ke tokangaʻi mei he puke lahi 'aupito 'i he COVID-19.
ʻE lava ke maʻu ʻe hoʻo pule ngāue ha $600 he uike kapau 'oku ke ngāue taimi kakato, pea $359 he uike kapau 'oku ke ngāue vaeua'i taimi ke toki vahe'i atu kiate koe. Talanoa mo hoʻo pulengāué kapau ʻoku ke pehē ʻoku ke feau ʻa e ngaahi makatu'unga.
Kapau kuo mole hoʻo ngāué pe ʻikai ké ke lava ʻo ngāue he taimi ni, 'e ala lava ʻo maʻu ha tokoni mei he Work and Income.
Fakaʻaongaʻi ʻa e meʻangāue ʻi he ʻinitanetí ke ʻiloʻi pe ko e hā ʻa e faʻahinga tokoni te ke ala maʻú.
Kapau kuo mole hoʻo ngāué, ʻikai lava ʻo ngāué pe ʻoku siʻisiʻi ange hoʻo ngāué, ʻe lava ké ke maʻu ha penefiti pe ko ha tokoni fakapaʻanga kehe mei he Work and Income.
ʻE lava ke tokoni ʻa e Work and Income ki he fakamole fakavavevave hangē ko e:
- meʻakai
- fakamole ki he nofo'anga, hangē ko ʻeni ko e totongi fale nofototongi, totongi nofohili, pe ko e fakamole 'o e maʻu ʻapí
- 'uhila, kasa, hita pe ngaahi moʻua vai
- fakamole ki he nifo mo e fakafaitoʻo.
ʻOku ʻikai fiemaʻu ia ké ke ma'u vahe penefiti ka ke toki lava maʻu ha tokoni fakapaʻanga.
