ʻE lava ke kau ʻi he ngaahi fakaʻilonga puké ha taha pe lahi ange ʻo e ngaahi meʻa ni:
- ko ha tale foʻou pe fakaʻau ke kovi ange
- mafatua mo e lele e ihú
- mofi
- mole fakataimi ʻa e nanamú pe liliu e ifo (kai/inu)
- mamahi e monga
- nounou ʻo e mānavá
- vaivaia 'aupito/ongoʻi hela’ia.
Ngaahi fakaʻilonga puke ‘oku tātāitaha ‘e ne ‘así ‘oku kau ai e:
- fakalele
- langa ʻulu
- mamahi ʻa e uoua pe felāngāki e sino
- tokakovi'ia
- lua
- ‘ongoʻi ta’efiemālie — ko ha ongoʻi taʻefiemālie, puke pe ‘ikai nonga
- mamahi e fatafatá
- mamahi e keté
- mamahi e hokohokotanga huí
- puputuʻu pe ʻiteʻita.
ʻOku meimei ke hoko maʻu pe ʻa e ngaahi fakaʻilonga angamaheni ko ʻeni ʻi ha fakaʻilonga puke ʻe taha pe lahi ange.
ʻOku ʻikai ʻuhinga ʻa e ngaahi fakaʻilonga puke ko ʻeni ʻoku ke maʻu ʻa e COVID-19. ʻOku hangē ʻa e ngaahi fakaʻilonga puké ko ha ngaahi fokoutua kehe ʻoku angamaheni ʻaki, hangē ko ha momoko pe fulū.
Ko e nounou ʻo e mānavá ko ha fakaʻilonga ia ʻo e niumōnia ʻe ala fiemaʻu ki ai ha fakafaitoʻo he taimi pe ko iá.
Kapau ʻoku ke maʻu ha taha ʻo e ngaahi fakaʻilonga ko ʻeni, fetuʻutaki ki hoʻo toketā, ki he Healthline ʻi he 0800 358 5453 pe ko hoʻo kautaha moʻui lelei iwi.
Taimi ke hā mai ai e ngaahi fakaʻilonga puke
Kapau te ke maʻu ha ngaahi fakaʻilonga 'o e Omicron, ʻoku ngalingali ne ke maʻu ia ʻi loto ʻi he ʻaho ʻe 3 'o ho'o pihiá. Ka ʻe lava pe ke aʻu ki he ʻaho ʻe 8 hili ho'o pihiá.
ʻI he taimi ʻe niʻihi ʻe lava ke maʻu ʻe he kakaí ʻa e COVID-19, ka ʻoku ʻikai ke 'asi mai ha ngaahi fakaʻilonga puke.
ʻE lava ʻe ha kakai ʻe niʻihi ʻoku nau ma'u 'a e COVID-19 ʻo fakamafola ki ha niʻihi kehe ʻi he ʻaho ʻe 1 pe 2 kimuʻa pea toki 'asi mai e ngaahi fakaʻilonga puké.
Kapau ʻoku ke puke ha momoko, fulū pe ma'u ha ngaahi faka'ilonga puke COVID-19, fai ha sivi ʻi he kamata pē ké ke ongoʻi puké. ʻOku ʻuhinga e sivi mo e lipooti ʻa e olá ʻi he 'Eku Lekooti Covid ké ke lava ʻo maʻu ʻa e tokoni ʻoku ke fiemaʻú ʻi he vave taha.
Telefoni:
- ki hoʻo toketā pe nēsí
- Telefoni Taʻetotongi ki he Healthline ʻi he 0800 358 5453
- hoʻo kautaha iwi ki he moʻui lelei, pe
- ko ha feituʻu fai’anga sivi ‘a e koló
- kapau ʻoku ke 'i tu'a 'i Nuʻusila, telefoni ki he +64 9 358 5453 pe ko hoʻo toketā.
Founga ke maʻu ai ha me’asivi COVID-19
Kapau te ke siviʻi ʻoku positivi
Lolotonga ho'o ma'u e ngaahi fakaʻilonga puké:
- Nofo ʻi ʻapi. ʻOua naʻá ke ʻalu ki he ngāué pe akó. ʻOua ʻe fakaōsiale.
- Toutou fanofano maʻu pē ho nimá.
- Mafatua mo tale ki ho tuiʻinimá, pea fakama'a 'aki e kemikale tamate siemú e ngaahi fukahi me'a 'oku fa'a ngāue fakataha 'akí.
Kapau ʻe talaatu ʻe he kau maʻu mafai ki he moʻui leleí ké ke fakamavaheʻi koe, fai leva ia he taimi pe ko ia. Kapau ʻoku ke tatali ki he ngaahi ola ʻo e sivi, ʻe fiemaʻu foki ké ke fakamavaheʻi koe.
Kapau 'oku ke puke he COVID-19
Kapau ʻoku kei 'i ai pe ha ngaahi fakaʻilonga puke ʻi he taimi ʻe ʻosi ai ho vahaʻataimi fakamavaheʻí
ʻE kei lava pe ke kei ala fakapipihi ʻe ha kakai ʻe niʻihi kuo nau sivi ola positivi 'i he COVID-19 hili ha ʻaho ʻe 7. Kapau ʻoku ke kei puke pe ʻi he fakaʻosinga ho vahaʻataimi fakamavaheʻí, nofo pe ʻi ʻapi kae ʻoua kuo ke sai pea ki ha houa ʻe 24 hili e ʻikai ké ke toe maʻu ha ngaahi fakaʻilonga puke.
