ʻOku angamaheni ʻaki pē ke te ongoʻi hohaʻa pe mafasia ʻi he taimi ʻo e faingataʻá. Ako e founga ké ke moʻui lelei fakaʻatamai aí mo e feituʻu ke maʻu mei ai ha tokoní kapau ʻoku ʻikai ké ke mātuʻuaki pe hohaʻa ki he niʻihi kehé.
ʻOku mahuʻinga ʻa e fakalaumalie fakaeloto mo fakaʻatamai ʻa e tokotaha kotoa pe. ʻOku angamaheni ʻaki pē ke te ongoʻi hohaʻa pe mafasia ʻi he taimi ʻo e faingataʻá. Neongo ia, ʻoku lahi ha ngaahi meʻa te ke lava ʻo fai ke ke ongoʻi sai ange ai.
ʻOua naʻá ke manavasiʻi ke kumi ha poupou. ʻOku ʻi ai ha ngaahi tokoni laine hangatonu pe ʻoku maʻu he taimi ni ʻoku ne ʻoatu ha poupou, fakamatala mo ha tokoni kiate koe, ho fāmili, fāmili mo e ngaahi kaungāmeʻa.
Ke maʻu ha poupou ki he loto hohaʻá, faingataʻaʻia pe lelei fakalukufua fakaʻatamai, te ke lava ʻo telefoni pe text ki he 1737 ke talanoa ta'etotongi mo ha taha fae'i taukei, 'oku ngāue ta'etotongi he houa ʻe 24 he ʻaho, 'i he ʻaho ʻe 7 he uike.
ʻOku ʻi ai ha lisi kakato ʻo e ngaahi tokoni ʻoku lava ke maʻu ʻi he Mental Health Foundation (Potungāue Tokangaekina e Moʻui Lelei Fakaʻatamai).
Faʻu ʻe Dr Meisoni Durie, te whare Tapa Whā lea ki he ngaahi makatuliki ʻe 4 ʻo e moʻui lelei mo e lelei fakalukufua 'o e kau Māori. ʻI he taimi ʻoku ʻi ai ha fetōkaki pe pulia ha makatuliki ʻe 1, te tau ala ongoʻi puke pe faikehe. Te tau lava ʻo fakaʻaongaʻi e sīpinga ko ʻení ke tokoni ʻi hono tokangaʻi kitautolu mo kinautolu ʻi hotau fāmili.
ʻOku fakamanatu mai ʻe he sīpinga ni ke tau tokangaʻi ʻa e ngaahi tafaʻaki kotoa pē ʻo ʻetau moʻuí ke poupouʻi ʻetau mo'ui fakalukufuá.
Ko e ngaahi makatuliki ʻe 4 ko e:
- taha tinana | lelei fakatuʻasino
- taha finengaro | lelei fakaʻatamai
- taha wairua | lelei fakalaumālie
- taha whānau | lelei fakafāmili.
ʻOku lahi ha ngaahi meʻa te tau lava kotoa ʻo fai ke tākiekina ʻaki ʻetau lelei fakaʻatamai pea mo hotau ngaahi ʻofaʻanga.