Sitepu 1: Teuteuʻi ʻa e naunau me'asivi RAT

Teuteu ʻaki hoʻo fangu ho'o ihú pea toki fufulu mo fakamōmōa ho ongo nimá.

Fokotuʻu ʻa e ngaahi naunau ʻo hoʻo me'asivi RAT — ko ha foʻi tiupi huhu'a kemikale, ko ha me'a tāpuni, ha me'a vilohi, mo e kāsete sivi. Toʻo ʻa e me'avilohí (ʻoku hangē ia ha me'a heu telinga lōlōa mui'i vavae).

Sitepu 2: Fakahū e me'avilohí ki ho ava'i ihú

Toʻo ʻa e ngataʻanga moluu pea fakahū fakaalaala e me'a vilohí ʻi he ava'i ihu 'e 1, ʻo 'alu hifo māmālie ki lalo, fakafuofua ki he senitimita 'e 2 ki loto. Vilohi takai tuʻo 5 ʻa e me'avilohí 'i loto he fukahi ava'i ihú. Pea ke toe fakahoko tatau ia 'i he ava'i ihu 'e tahá, ʻo toe vilo'i takai māmālie tuʻo 5.

Sitepu 3: Fokotu'u e me'a vilohí ki he huhu'á

Maʻu ʻa e foʻi tiupi huhu'á, fakaava ia, fokotu'u hangatonu ki 'olunga pea fakapapauʻi ke ʻoua naʻa mahua. Fokotu'u ʻa e ngataʻanga molū ʻo e me'a vilohí ki he huhu'á pea vilovilo takai tuʻo 5 ai. ʻOku fiema'u ké ke fakapapauʻi ʻoku pīponu ʻa e me'a vilohí.

Sitepu 4: Toʻo e me'a vilohí mei he huhu'á

Ki'i tatau'i e me'a vilohí ʻi hoʻo to'ó — tatau'i 'aki e lahi taha te ke ala lavá, ke nofoʻi he foʻi tiupí. Fokotu'u e me'atāpuní ke ma'u ʻi he foʻi tiupí.

Sitepu 5: Lulu'i e tiupí

Lulu'i e foʻi tiupí pe fisi'i tuʻo ua koeʻuhí ke tuifio lelei. Hili iá pea ke tuku 'o fokotu'u fakahangatonu ʻi ha miniti.

Sitepu 6: Tulu'i hifo ha fanga kiʻi tulutā he kāsete fai'anga siví

ʻI he maau ko ia ʻa e kāsete fai'anga siví ʻi ha feituʻu tokalelei, toʻo hoʻo foʻi tiupí (ʻoku 'i ai e huhu'a 'o e sivi), pea fulihi ke mafuli ki lalo. Muimui ʻi he ngaahi fakahinohino 'o e naunau me'asiví ki he lahi ʻo e ngaahi tulutā ʻoku fiemaʻu ki hoʻo siví. Ki'i tatau ha ngaahi fo'i tulutā mei he me'atāpuní ki he feitu'u tānaki'anga huhu'á.

Sitepu 7: Tatali ʻi ha miniti ʻe 15

Tatali ʻi ha miniti ʻe 15 — seti ʻa e uasí kapau ʻe tokoni. Toe vakaiʻi ʻa e ngaahi fakahinohino 'o e naunau me'asiví he 'oku ala ke taimi kehekehe ʻa e taimi tatalí.

Sitepu 8: Vakaiʻi e olá

Vakaiʻi e olá.

Ola 'oku hala

Kapau ʻoku ʻikai ke ʻi ai ha laine ʻi he C (C ki he mapuleʻi), pe kapau ʻoku ʻi ai ha laine ʻe 3, tā naʻe ʻikai ngāue fakalelei ʻa e siví he taimi ko ʻení (ʻoku hala —ʻoku faʻa hoko ʻeni he taimi ʻe niʻihi). ʻE fiemaʻu ké ke toe fai ha sivi ʻe taha.

Ola nekativi

Kapau ʻoku ke sio ki ha laine ʻe taha ʻi he C, ʻoku fakahāʻi ai kuo ngāue ʻa e siví pea ʻoku ola nekativi ki he COVID-19.

Ola positivi

Kapau te ke sio ki ha laine ʻe 2 (tatau ai pe kapau ko ha laine vaivai ʻi he T) pea ʻoku fakahaaʻi leva eni kuo ke siviʻi postivi ki he COVID-19. ʻE fiemaʻu ké ke fakamavaheʻi koe mo homou 'apí ʻo ʻikai toe siʻi hifo he ʻaho ʻe 7.