Founga 'oku mafola ai ʻa e COVID-19. ʻI he taimi ʻoku mānava, lea, tale, mafatua pe hiva ai ha taha kuo pihia te nau lava ʻo fakamafola ha ngaahi momoʻi meʻa ʻoku ʻi ai e vailasí.
Ko e ngaahi momo'i me'a ko eni 'oku kehekehe pe honau lahi. Ko e lalahi mo matolu ange e fanga kiʻi momoʻi me'a he — tulutaá — ko e vave ange ia ʻene tō ki he kelekelé pe ko ha ngaahi fukahi kehe ʻi loto ʻi ha laui sekoni pe miniti. ʻE lava pē ke kei nofo pē ʻa e fanga kiʻi momoʻi meʻa iiki ange 'oku — pihi atu — ke nofo 'i he 'eá 'i ha ngaahi miniti pe 'i ha ngaahi houa.
ʻOku meimei ke mafola ʻa e COVID-19 ʻi he 'e ne pihi atu, ʻa ia ko e ʻuhinga ia ʻoku mahuʻinga ai ʻa e ʻea lelei 'o e fehū'aki e 'eá. ʻOku siʻisiʻi ange ʻa hono maʻu ʻo e COVID-19 mei he ngaahi fukahi me'á, ka ʻoku kei mahuʻinga pe ke fakamaʻa ʻa e ngaahi fukahi me'á ke fakasiʻisiʻi ʻa e fakatuʻutamaki.
ʻOku toe maʻolunga ange ʻa e fakatuʻutamaki ʻo 'ene mafolá 'i he 'eá:
- ʻi he ngaahi feituʻu ʻoku 'ikai ke lava 'o fehū'aki lelei ai 'a e 'eá
- ʻi ha ngaahi feituʻu kakai'iá 'oku vāvāofi ai 'a e kakaí
- ʻi he ngaahi feituʻu ʻoku pau ke ofi ange ai fetuʻutaki vaofí, hangē ko ha ngaahi fepotalanoaʻaki vāofi, hiva, pe kaikaila.
ʻOku maʻulalo ange ʻa e fakatuʻutamakí ʻi tuʻa, mo e tokosiʻi ange ʻa e kakaí, pea kapau ʻoku fakavahavaha e nofo ʻa e kakaí.
