Sivi taʻetotongi ki he COVID-19. Kumi ha fakamatala mo ha fakahinohino ki hono siviʻi koé, founga ke siviʻi mo e meʻa ʻe hoko kapau te ke sivi ola positi.
ʻI he taimi ʻoku totonu ké ke maʻu ai ha sivi, meʻa ʻoku fiemaʻu ké ke fai, mo e founga ke lipooti ai hoʻo ngaahi ola sivi RAT. ʻOku ʻiloʻi ʻe he ngaahi siví ʻa e ngaahi fōtunga feliuliuaki ʻo e COVID-19.
Fakamatala fakamuimuitahá — 13 Sepitema
Naʻe ʻosi e ngaahi faka'ilongá ʻi he ʻaho Monite 12 ʻo Sepitema. Ko e fakamatala fakamuimui tahá ‘oku hā atu he peesi ni.
Ko e taimi ʻoku totonu ke fai ai haʻo sivi
ʻOku ta'etotongi 'a e ngaahi sivi COVID-19 mo 'atā 'i he ngaahi feitu'u lahi
Te ke lava ʻo maʻu ha ngaahi sivi antigen vave (RATs) mei ha ngaahi feituʻu kehekehe, kau ai ʻa e ngaahi feituʻu angamaheni ki he tufaki, marae mo ha ngaahi faletalavaí.
Kapau ʻoku ke puke
Kapau ʻoku ke puke ha momoko, fulū pe ma'u ha ngaahi faka'ilonga puke COVID-19, fai ha sivi ʻi he kamata pē ké ke ongoʻi puké. ʻOku ʻuhinga hoʻo fai ha sivi mo lipooti hono ola ké ke maʻu ʻa e tokoni ʻoku ke fiemaʻú ʻi he vave tahá.
Vakaiʻi e lisi ʻo e ngaahi fakaʻilonga puke COVID-19
Kapau na'a ke feohi mo ha taha 'oku ne ma'u 'a e COVID-19
Kapau ʻokú ke nofo mo ha taha ʻoku ma'u 'e he COVID-19 pe feohi 'i ha houa ʻe 8 mo ia ʻi he ʻapi tatau pē, ko e Tokotaha Fetuʻutaki Faka'api koe. ʻOku mau fokotuʻu atu ké ke fai ha sivi RAT ʻi he ʻaho kotoa ki he ʻaho ʻe 5.
Tū'uta 'i Nu'usila
ʻOku ʻikai fiemaʻu ke fai ha sivi kimuʻa pea ke mavahe mei Nuʻusilá.
ʻE foaki taʻetotongi ha ngaahi me'asivi RATs maʻa e kakai ʻoku tū'uta mai ki Nuʻusilá. ʻOku mau fokotuʻu atu ké ke sivi ʻi he ʻaho te ke aʻu mai aí pea ʻi he ʻaho 5 pe 6.
Ko e mavahe mei Nuʻusilá
Vakaiʻi e ngaahi fie maʻu ʻa e fonua te ke fononga ki ai—hange ko ʻeni ʻi he uepisaiti ki he moʻui lelei ʻa e fonua. Pe te ke lava ʻo fetuʻutaki ki he'enau talafekaulahi, fakafofonga 'emipasī ʻi Nuʻusila.
ʻOku ʻikai fakamatalaʻi ʻa e sivi kimuʻa ki he fefonongaʻaki fakavahaʻapuleʻanga ʻe he tali ki he moʻui lelei ʻa e kakai. ʻE fiemaʻu ké ke fakatau ha me'asivi RAT ʻi he Falekoloa fakamoveteveté.
Kapau kuo ke maʻu ʻa e COVID-19 kimuʻa pea ke toe maʻu ha ngaahi fakaʻilonga puke, ko e meʻa ʻoku totonu ké ke faí ʻoku makatuʻunga ia ʻi he vaha'ataimi talu mei hoʻo puke kimuʻá.
Lau ʻa e ngaahi ʻaho mei he taimi naʻa ke sivi ola positivi pe ʻuluaki ʻi ai ha ngaahi fakaʻilonga puké.
Kapau ʻokú ke ʻikai ke fu'u ngali te ke puke lahi, ʻoku ʻikai fiemaʻu ia ké ke toe fai ha sivi ʻe taha. Nofo pē ʻi ʻapi ʻo fakaakeake ai kae ʻoua leva kuo ʻosi ha houa ʻe 24 'a e mōlea ho ngaahi fakaʻilonga puke.
Kapau 'oku 'i ai ha'o mahaki tauhi pe 'oku ke ma'u ha ngaahi fakaʻilonga puke 'oku ngalingali ko e COVID-19 ʻoku fakaʻau ke kovi ange, maʻu ha faleʻi mei ha tokotaha faifatongia ki he moʻui leleí pe Healthline ʻi he 0800 358 5453.
ʻOku totonu ké ke fai ha sivi antigen vave (RAT). Kapau ʻoku ola positivi, kuo pau ké ke fakamavaheʻi koe pea muimui ki he faleʻi maʻa e kakai ʻoku nau ma'u e COVID-19.
ʻOku ʻi ai ha faʻahinga sivi ʻe ua ʻo e COVID-19 ʻoku lava ke maʻu ʻe he kakai kotoaʻi Nuʻusila.
- Ngaahi me'asivi fakavave antigen (RATs): Ko e me'asivi RATs 'a e tefito'i founga sivi ki he kakai 'oku nau ma'u e ngaahi faka'ilonga puke 'o e COVID-19 pe 'oku nau Fetu'utaki Vāofi Faka'apí. ʻOku aʻu ke toki hā e olá 'i ha miniti ʻe 20. ʻOku fakahaa'i ʻe he ngaahi sivi RATs ʻa e ngaahi fōtunga feliuliuaki ʻo e COVID-19.
- Ngaahi sivi 'o e chain reaction Polymerase (PCR): ʻOku fie maʻu ʻa e ola ʻi ha ʻaho ʻe 2 ki he 5. ʻOku ʻiloʻi ʻe he ngaahi siví ʻa e ngaahi fōtunga feliuliuaki ʻo e COVID-19.
ʻE lava ke faleʻi koe ʻe ha palofesinale ki he moʻui lelei ʻi he sivi totonu ké ke fai ʻi ho tukunga.
Ko e ngaahi ola mo e tonu ʻo e sivi COVID-19 | Potungāue Moʻuí
ʻOku fakangofua koe ké ke mavahe mei homou ʻapí ke maʻu ha sivi COVID-19 lolotonga hoʻo kei fakamavaheʻi koé.
ʻOta taʻetotongi ʻa e ngaahi naunau me'a sivi RAT ki he sivi 'i ʻapí
Te ke lava ʻo ʻotaʻa e ngaahi me'asivi vave antigen (RATs) maʻau pe ma'a ha taha kehe. ʻE fiemaʻu ké ke malava 'o ngaue'aki ha telefoni toʻotoʻo ke fakapapauʻi hoʻo ʻotá.
Te ke maʻu ha fika ʻo e ʻotá. Te ke lava leva ʻo 'ave haʻo me'asivi RATs mei ha feitu'u tufaki, pe ʻai ha taha ke 'alu 'o 'omai ʻa e ngaahi me'asiví maʻau.
- 'Initanetí: Kole ha me'asivi RATs ta'etotongi | Potungāue Mo'uí
- 'I he telefoní: Tā ki he 0800 222 478, fili 'a e fili hono 3 (8am ki he 8pm, 'aho e 7 he uike)
ʻAʻahi ki ha senitā sivi ʻo e koló
ʻOku lisi ʻe he Healthpoint ʻa e ngaahi senitā fai'anga siví fakafeitu'u. Te ke lava foki ʻo kumi ha feituʻu ofi atu kiate koe ʻi ha mapé.
Kumi ha senitā fai'anga sivi COVID-19 | Healthpoint
ʻOmi ha me'a sivi mei hoʻo toketā
ʻE lava ke fakahoko 'e ho'o toketā ha ngaahi sivi COVID-19. Tā kiate kinautolu 'o vakai'i pea muimui ki heʻenau faleʻí.
ʻE lava ʻe he Ngaahi Potungāue Fakakoló ʻo ʻomi ha ngaahi me'asivi RATs ki he kakai ʻoku ʻikai ke nau lava ʻo mavahe mei honau ʻapí.
Ke ʻiloʻi pe ʻoku ke lava 'o ma'u, telefoni ki he 0800 222 478.
Kapau ʻoku ke nofo ʻi ha miniti ʻe 20 mei ha feitu'u tufaki, te ke ala lava ʻo maʻu ha ngaahi me'asivi vave antigen (RATs) ʻo fakafou ʻi he Targeted Rural Service (Ngaahi ngāue ki he Feitu'u ʻUta).
Ke ʻiloʻi pe ʻoku ke lava 'o ma'u, telefoni ki he 0800 222 478.
ʻE tokoni atu ha potungāue fakafeitu'u ka koe ke maʻu ha founga feʻunga mo ha ngaahi tiliva kehekehe.
ʻOku ʻave ʻa e ngaahi me'asivi antigen vave (RATs) ki he ngaahi ʻapiako fakapa'anga 'e he pule'angá mo e ngaahi 'apiako 'oku fakapa'anga fakakonga 'e he pule'angá, kura mo e ngaahi 'apiako tokamu'á. ʻOku ʻi ai ha fakamatala lahi ange ʻoku ʻi he Te Mahau, ko e konga ʻo e Potungāue Akó.
Te ke lava ʻo ma'u ta'etotongi 'a e RATs kapau ko hoʻo ptongugāué ko e konga ia ʻo e kau ngāue ki he moʻuileleí mo e meʻa fakatuʻupaké. ʻOku kau heni ʻa e DHBs, kau toketā, 'ū fale hu'ivaí, ngaahi fale tauhiʻanga ʻo e kau to'ulekeleká, Kau polisí, Fakatmāu Fakatonutonu, FENZ mo e ngaahi feitu'u fai'anga fakamavaheʻí mo e fakakolonitiní.
Te ke lava foki ʻo maʻu taʻetotongi e me'aivi RATs kapau ko ho'o ngāué ʻoku ʻi ai ha ngaahi naunau fakatāutaha ki hano fakatotolo'i 'o ha sivi.
ʻOku kehekehe ʻa e motolo kautaha fotunga ʻo e ngaahi me'asivi antigen vave (RATs). Neongo ʻoku faitatau ʻa e ngaahi fakahinohino ki he ngaahi fakahinohino takitaha, ka ke fakapapauʻi ke vakaiʻi ʻa e ngaahi fakahinohino ʻi hoʻo naunaú.
Tatau ai pē pe ʻoku positivi pe nekativi, ʻoku totonu ké ke lipooti ʻa e ngaahi ola ʻo hoʻo sivi RAT. ʻOku ʻuhinga hono līpooti e olá ké ke lava ʻo maʻu e tokoni ʻoku ke fiemaʻú ʻi he vave tahá.
Hili hoʻo siví, kuo pau ké ke fakamavaheʻi koe kae ʻoua kuó ke maʻu ha ola ʻoku nekativi.
Hili hoʻo siví, kuo pau ké ke fakamavaheʻi koe kae ʻoua kuó ke maʻu ha ola ʻoku nekativi. Te ke ala ma'u ha ʻaho ʻe 2 ki he 5.
Kapau te ke sivi positivi, ʻe ʻoatu ʻe he popoaki text ha fakamatala fekauʻaki mo e fakamavaheʻi koé, ngaahi fili tokoni mo ha kouti mata'ifika ʻe 6 ki he fika ke hū 'aki ʻi he ʻinitanetí ki he foomu muimui'i 'o e kau fetu'utaki vāofí.