ʻE lava ʻe he ʻea kuo siviʻi ʻo fakasiʻisiʻi ʻa e tuʻunga fakatuʻutamaki ʻo hoʻo puke pe fakamafola ʻa e COVID-19. ʻOku tokoni hono fakaava ʻo e ngaahi matapā sioʻatá ke maluʻi koe, hoʻo fāmili mo e niʻihi kehé.
ʻI he taimi ʻoku mānava, lea, tale pe mafatua ai ha taha ‘oku puke, te nau lava ʻo fakamafola ha ngaahi momoʻi meʻa ʻoku ʻi ai e vailasi.
ʻOku meimei ke mafola ʻa e COVID-19 ʻe he ‘ea — fanga kiʻi momoʻi vailasi iiki ʻe lava ke nofo ʻi he ʻea ʻi ha ngaahi miniti ki he houa. ʻOku tokoni ʻa e fehū’aki lelei ‘a e ‘ea ke ne toʻo ʻa e fanga kiʻi momoʻi vailasi iiki ʻi he ʻea.
Founga 'oku mafola ai ʻa e COVID-19
Kapau ʻoku ke puke he COVID-19 kuo pau ké ke fakamavaheʻi koe ʻi ha ʻaho ʻe 7. Kuo pau ké ke nofo pē ʻi ʻapi pea ‘oua ‘e feohi mo e kinautolu ‘i ho mou ‘apí.
Tauhi ke ʻea lelei ma’u pe ho lokí. Kapau te ke lava, fakaava ʻa e ngaahi matapa sioʻata ʻi he ngaahi tafaʻaki kehekehe ʻo e loki ke tokoni ki he fehū’aki e ‘ea.
Ke taʻofi e mafola ʻa e fanga kiʻi momoʻi vailasi iikí, fakasiʻisiʻi ʻa e fepuhi’aki e ‘ea mei ho lokí ki ha ngaahi konga kehe ʻo ho ʻapí:
- Taʻofi e fetoʻaki ʻi ho matapaa ʻaki ha taueli pe me’a ta’ofi hahau.
- Kimuʻa pea fakaava ʻa e matapā ki ha ngaahi feituʻu ʻoku ngāue fakatokolahi ‘aki, fakaava ho matapā sioʻatā ʻi ha miniti ʻe 5 ke fakafo’ou e ʻea. Tāpuniʻi e matapā sioʻatá kimuʻa peá ke fakaava e matapaá.
- ʻI ha falekaukau ‘oku ngāue fakatokolahi ‘aki, fetongi e me’akomo ‘i he ī komo ‘ea ‘uli/’ahu pe fakaava ha matapā sioʻata.
- Tapuniʻi e tapuni e tāpuni pō kimuʻa pea toki lomi’i ke ‘alu.
ʻOku mau tapou atu ke mou fakaavaava ke hū atu ha ʻea foʻou ʻi he ʻaho kotoa pē, mo e hili ha ʻaʻahi atu ha taha ki homou ʻapí.
Kapau te ke lava, fakaava e matapa sioʻata ‘aki ha 5cm ʻi he konga lahi ʻo e ʻaho. Pe fakaava ʻa e ngaahi matapā sioʻata ʻi ha miniti ʻe 15 ki he lahi taha ʻe lava, ʻi he taimi kotoa pe ʻoku malava ke fakahoko ai.
Feinga’i ‘aki e 1 pe lahi ange ʻa e ngaahi founga ko ʻeni ke toʻo ʻa e ʻea kovi/’uli:
- Fakaava ha ngaahi matapā sioʻata pe matapā ‘oku na fehangahangai ʻi he tafaʻaki ke fehū’aki lelei e ‘ea.
- Fakaava ha ngaahi matapā ʻi he vahaʻa ʻo e ngaahi loki ke fehū’aki lelei e ‘ea he holó mo e ‘ēlia taʻe ʻi ai ha matapā sioʻata.
- ʻI he peitō mo e falemālōlō, fetongi ʻa e me’akomo ‘i he ī komo ‘ea ‘uli/’ahu pe fakaava ha matapā sioʻata.
- Fakaava ha ngaahi matapā sioʻata ma’olunga mo fā’atā ange ʻi he ngaahi matapā sioʻata maʻulalo ange. ʻOku tokoni ʻeni ke fakasiʻisiʻi ʻa e havili momoko.
- Kapau ʻoku ʻikai ava hoʻo ngaahi matapā sioʻatá, vakaiʻi pe ʻoku siviʻi (fakama’a) lelei ‘e he mīsini fakalelei ʻea.
Ko e ngaahi matapā sioʻata hahaú ko ha fakaʻilonga ʻoku ‘ikai ke ‘ea lelei
COVID-19 mo e fehū’aki lelei e ‘ea | Potungāue Moʻuí
'I he 'ea momoko pe viku
ʻAhiʻahiʻi ha founga ʻe 1 pe lahi ange ʻo e ngaahi founga ko ʻení ke toe fakafoʻou e ʻeá kae ʻoua naʻa tuku ke fu’u momoko pe hauhau e ngaahi lokí:
- Hangē ko ʻeni, fakaava ha konga ʻo e matapā sioʻata ‘aki ha 5cm ʻi he konga lahi ʻo e ʻaho.
- Fakaava lahi ha matapā sioʻata pe matapā ʻi ha miniti ʻe 3 ki he 5 he houa kotoa pē.
- Fakaava ha matapā sioʻata ʻi ha taimi pē te ke ‘alu ai mei he lokí, tāpuniʻi e matapaá ‘i ho‘o ‘alu.
ʻOku ʻikai fiemaʻu ia ké ke tuku ha ngaahi matapā sioʻata pe matapā ke ava he taimi kotoa pē.
'i he ngaahi 'api nofo'angá 'oku 'i ai e 'ū hita mafaná mo e 'ū me'a fakalelei 'eá
ʻOku ʻikai fakafoʻou ʻe he ngaahi pamu hita, me’a fakalelei ʻea he ʻato ʻa e ʻea. Ka, ʻoku nau ʻunu takai e ‘ea ‘oku nofo pe ʻi ha loki. ʻE fiemaʻu ké ke fakaava ha ngaahi matapā pe matapā sioʻata ke toʻo ʻa e ʻea kovi pea fakahū mai ʻi ha ʻea foʻou.
Kapau ʻoku ʻi ai haʻo mīsini fakalelei ‘ea ʻi ʻapi, vakaiʻi pe ʻoku ne tukuʻau mai ʻa e ʻea pe sivi ʻea:
- Kapau ʻoku toutou faka’aonga’i e ʻea tatau, ʻoku fiemaʻu ké ke fakaava ʻa e ngaahi matapā sioʻata pe ‘ū matapaa ke ʻunuakiʻi e ʻea kovi pea tukuange ʻi ha ʻea foʻou.
- Kapau ʻoku ne siviʻi pe fakamaʻa ʻa e ʻeá, ʻe tokoni ʻeni ke toʻo e ʻea kovi pea fakasiʻisiʻi ʻa e fakatuʻutamaki e malava ‘a e fanga kiʻi momoʻi vailasi iiki ʻo mafolá.
Ngaahi me’angāue tekinolosia ki hono fakamaʻa ʻo e ʻeá | Potungāue Moʻuí
'I he ngaahi 'api nofo totongi
Kuo pau ke fokotu’u ‘e he lenilōti ha me’a faka-ʻea lelei. Kapau ʻoku ke nofo pe ma’u ha ‘api nofo totongi, vakaiʻi e ngaahi tu'utu'uni ki he ʻea lelei ʻi he uepisaiti ʻo e Tenancy Services.
‘Oku lava ke tupulaki ʻa e fanga kiʻi momoʻi vailasi iikí ʻi he ‘ū feituʻu kakai’iá hangē ko e pasi pe lelue. ‘E tokoni ange e ta’utu pe tu’u ‘o ofi ki he matapā ‘oku ‘ea lelei.
Fakaava ha matapā sioʻata ʻi he pasí pe lelué kapau te ke lava. ʻOku faʻa kole he kau tekisī mo e kau pasēsē heka fakatahá ke fakaava ‘enau matapā sioʻatá.
ʻOku mau tapou atu ke mou tui ha me’a’ufi’ufi mata ʻi he ngaahi feituʻu kakai’iá ‘o hangē ko e me’afofonga’aki fakatokolahí.
Ko hono tui ‘o ha me’a’ufi’ufi mata
