‘E lava ‘e he tokotaha kotoa pe ‘i Nu’usila ta’u 5 pe lahi ange ‘o ma’u ha huhu malu’i COVID-19 ta’etotongi ‘i he taimi ni. Te ke lava ‘o ma’u ha huhu hoani (booster) kapau kuo ‘osi ha taimi ‘o ‘ikai toe nounou ange he mahina ‘e 3 talu mei ho huhu malu’i hono tu’o uá.

‘Oku kei hoko pe ‘a e huhu malu’i ko e me’angāue lelei taha ia ke tau’i ‘aki e COVID-19. Neongo kapau kuo ke ‘osi puke he COVD-19, ko hono fakahoko ha hoani hili ha ‘osi ha taimi fe’unga ‘oku ne ‘oatu kiate koe ha toe ‘otu malu’i makehe mei he vailasi.

‘Oku toe tokoni foki hono fakakakato ho ngaahi huhu malu’i ke malu’i ai foki ‘a e kakai ‘oku nau tu’u laveangofua ange ke puke lahi mei he vailasi pea mo e kakai ‘oku ‘ikai lava ke huhu malu’i kinautolu hangē koe fanga ki’i pēpē pea moe longa’ifānau iiki ange he ta’u 5.

Huhu malu’i COVID-19

Image

Ko e ngaahi me’a malu’i fofongá ‘oku nau tokoni ke fakasi’isi’i ‘a e mafola ‘a e COVID-19. ‘Oku nau ‘aonga foki ‘i he ngaahi feitu’u ‘i loto fale ‘oku ‘ikai fu’u vilo lelei ai ha ‘ea fo’ou pea mo e taimi ‘oku ke ‘i he lotolotonga ‘o ha kakai ‘oku ‘ikai te ke ‘ilo’i.

‘Oku nau ta’ofi e mafola ‘a e fanga ki’i momo’i me’a ‘i he taimi ‘oku lea, kata, tale pe mafatua ai ha taha. ‘Oku mātu’aki ‘aonga eni ‘i he taimi ‘oku ma’u ai ha taha ‘e he COVID-19 kā ‘oku ne ongo’i saipē pe ‘ikai hā sino mai ha ngaahi faka’ilonga pau.

Kuo pau ke ke tui ha me’a malu’i ‘i ho’o ‘a’ahi ki ha ngaahi feitu’u fakahoko tokoni ki he mo’ui lelei.

Ko hono tui ha me’a malu’i fofonga

Tale pe mafatua ki ho tuiʻinimá pe ʻufiʻufi ho ngutú mo e ihú ʻaki ha pepa holoholo. Faʻo e pepa holoholó ʻi he puha vevé he taimi pe ko ia, pea fufulu fakaʻauliliki ho ongo nimá. Te ne tauhele’i eni ‘a e fanga ki’i pipihí mo taʻofi ‘a e vailasí mei ho ongo nimá, ke ‘oua te ke ala fakamafola atu ki he ni’ihi kehe mo fakapuke’i kinautolu.

Fakamaʻa maʻu pē e ngaahi fukahi me’a. ʻOku kau heni ʻa e ngaahi fukahi me’a faʻa ngāue’aki hangē ko e kauʻi matapaa, me’a kamosi ʻo e māmá mo e telefoní.

Ko e taimi ‘oku mānava, lea, tale pe mafatua ai ha taha ‘oku puke, te nau lava ʻo fakamafola ha ngaahi momoʻi meʻa ʻoku ʻi ai e vailasi. Ko e ngaahi momo'i me'a ko eni 'oku kehekehe pe honau lahi. Ko e fanga ki’i momo’i me’a pe pipihi lalahi mo mamafa ‘oku nau ala tākoto ‘i he ngaahi fukahi ‘ēlia ‘i he ‘ātakai takatakai.

Fakaʻaongaʻi ha me’a tāmate vailasi pea muimui ki he ngaahi fakahinohino. Manatuʻi ke tauhi ke malu ʻa e ngaahi meʻa fakamaʻa mo e ngaahi meʻa fufuflu siemu ke malu.

ʻI he lolotonga ‘a e mafola lahi ʻa e Omicron, ʻoku ʻikai toe fiemaʻu ke tau fetuʻutaki ‘o fakatotolo’i fakafoʻituitui ‘a e kau puké. ʻOku ʻuhinga ʻeni ʻoku ʻikai fiemaʻu ia ké ke tauhi ha lekooti ʻo e feituʻu naʻá ke ʻi aí ke taumu’a ki hono fakatotoloʻí.

Telia naʻa ke sivi ‘oku ke positivi he COVID-19, ʻoku kei fakapotopoto ange:

• lekooti e kakai ne ke feohi mo iá
• lekooti ha ngaahi feituʻu ʻoku tuʻu fakatuʻutāmaki ʻaupito kuó ke ʻaʻahi ki ai, hangē ko ʻení ki he ngaahi falemahakí pe ngaahi fale tauhiʻanga ʻo e kau toulekeleká
• fakamo’ui ma’u pe e Bluetooth fakatotolo.

ʻOku mau fale’i atu ke ʻoua leva te ke toʻo ʻa e COVID Tracer app mei hoʻo telefoni. ʻOku kei fakaʻaongaʻi pe ʻa e Bluetooth fakatotoló ke fakahā ki he kakai kapau kuo nau fetuʻutaki vaofi mo ha taha ʻoku puke he COVID-19.

Bluetooth Fakatotoló | Potungāue Moʻuí

‘E malava ke toe fakafoki mai ‘a e founga fakatotolo’i e fetu’utakí ka toe tū’uta ‘a e fōtunga fo’ou ‘o e vailasí ‘i Nu’usila.

Lekooti e feituʻu naʻá ke ʻi aí