Neongo ʻoku ʻomi ʻe ha kalasi huhu ʻe 2 ha maluʻi mei he fokoutua fakatu'utāmaki 'o e kalasi Omicron, ka ʻoku ngali ʻe ʻoatu ʻe he huhu malu'i fakalahi ha maluʻi lahi ange ʻaki hano fakasiʻisiʻi e faingamalie ki ha puke lahi 'aupito pea mo e fakatamaki hono fakapipihi ki he niʻihi kehe.

ʻOku mau poupou atu ki he tokotaha kotoa pe ʻoku nau malava 'o ma'ú ke ma'u ha huhu malu'i fakalahi ta'etongi he taimi ni. Ko hono fakavave'i hono faka'atā atu ʻa e huhu malu'i falalahí ko e taha ia 'o e ngaahi founga ke tauhi malu ai 'a 'Ātealoa Nu'usila me i he kalasi Omicron 'o e COVID-19.

ʻOku ʻikai ʻomi ʻe he COVID-19 ʻa e tuʻunga tatau ʻo e ngaahi malu’í ʻo hangē ko hono ma’u e he huhu maluʻí. ʻOku mau toe ʻiloʻi foki ʻoku faka'au ke holo 'a e maluʻi mei he huhu malu'i tefitó ʻi ha vahaʻa taimi.

Koeʻuhí ke māʻolunga e tuʻunga malu’i hoʻo sinó, ma’u e fakamuimui taha ‘o ho’o huhu maluʻí — kau ai ho’o ‘ū huhu fakalahi. Te ne fakasi’isi’i ange ho’o malava ‘o puke lahi mei COVID-19 ‘o a’u ki he tokoto falemahakí.

Kapau ʻoku vaivai e me’a malu’i ho sinó (immunocompromised)

ʻOku ʻi ai ha kakai ʻe niʻihi ʻi he taʻu 12 ʻoku uesia ‘aupito e me’a malu’i honau sinó ʻoku nau lava ʻo maʻu ha huhu tefito hono tolu ʻo e huhu malu’i Pfizer COVID-19. 'Oku fili pē 'a e huhu malu'i fakalahi hono tolú, ka 'oku mau kei poupou'i pe. Ko kinautolu 'oku nau ala lava ke ma'u ha huhu malu'i hono tolu 'o e huhu tefitó 'oku nau malava 'o ma'u e huhu fakalahí 'i he māhina 'e 3 hili hono ma'u 'o e huhu malu'i hono tolu 'o e huhu tefitó (pe māhina 'e 6 'okapau 'oku nau ta'u 16 pe 17).

Maʻu ha fakamatala lahi ange fekauʻaki mo e founga ke maʻu ai ha huhu tefito hono tolú

ʻOku faʻa ʻi ai ha ngaahi uesia kovi vaivai ʻo e COVID-19 ʻi he fānaú ʻoku tātāitaha ke lahi ‘aupito pe fakatuʻutamaki. ʻOku angamaheni ʻaki ke ʻoua naʻa ʻi ai ha ngaahi fakaʻilonga puke ʻo e fānau mo e to’utupu ʻoku nau puke he COVID-19 pe ko ha ngaahi fakaʻilonga puke ʻo e manavá, ʻoku natula tatau pe mo ha momoko. Neongo ia, ʻe lava ke puke lahi ha niʻihi pea nau iku ai ki falemahaki.

Hangē ko e kakai lalahí, kapau ʻoku uesia hoʻo fānau ʻe he COVID-19, te nau lava ʻo fakamafola ʻa e vailasí ki he kakai kehe. ʻOku tokoni ʻa e huhu ‘o e fānaú mo e to’utupú ke tokoni ki hono maluʻi ʻa e mēmipa ‘o e fāmili ‘oku hoko ‘enau mahaki tauhi ke nau tuʻu lavea ngofua ange ki he COVID-19.

ʻOku lolotonga fakangofua ʻa e huhu malu’i fakalahi Pfizer ʻe he Medsafe ki he taʻu ʻe 16 ‘o fāi hake.

Ki he to’utupu ta’u siʻi hifo he taʻu 16, ʻoku ʻikai fakamafai’i ha huhu fakalahi ‘e he Medsafe pe fokotu’u atu ʻe he polokalama huhu malu'i.

Kuo maʻu ʻe he Medsafe ha konga 'o e fakamatala mei he Pfizer ki he ngaahi huhu ki he huhu malu’i fakalahi ki he kulupu taʻu 12 ki he 15, ka ʻoku nau tatali ki he Pfizer ke fakahū ha toe fakamatala lahi ange. Ko ʻene maʻu pe ʻe he Medsafe ʻa e fakamatala makehe ko ʻeni, te ne toe vakaiʻi ia ko ha meʻa mahuʻinga.

Te ke lava ʻo talanoa’i ha ngaahi tūkunga pau ‘o ha fokoutua mo hoʻo GP pe kautaha tokangaekina ‘o e moʻuilelei. Hangē ko e faitoʻo kotoa pē, ʻe lava ke fakaʻaongaʻi ʻa e ‘ū huhu malu’i ʻi tuʻa ʻi he fakamafai ‘a e Medsafe (ʻoku ui ʻeni ko e ‘ikai leipolo ʻoff label’) kapau ʻoku ʻomai ia ʻe ha taha fakamafai ke tufakí.

ʻOku tau ʻilo ʻoku faingataʻa ange ki he vailasi ke mafola ʻi he vahaʻa ʻo e kakai ʻoku huhu maluʻi. Neongo ia, kuo pau ke tau pehē ʻoku kei ʻi ai pe ha fakatuʻutamaki ke pipihi.

Ko e ʻuhinga ʻeni ʻoku mahuʻinga ai ke hokohoko atu hono ngāue'aki e ha ngaahi founga maluʻi lahi ange, hangē ko hono tui ha me'a'ufi'ufi mata mo fanofano maʻu pē ho nimá, hili hono huhu maluʻi koe.

Ola lelei ʻo e huhu maluʻí mo e maluʻí — Potungāue Moʻuí

ʻE lava ke maluʻi ʻa e Tamariki (longa'ifānau) taʻu 5 ki he 11 mei COVID-19 mo ha huhu longa'ifānau ʻe 2 ʻo e huhu maluʻi Pfizer ʻo ʻikai toe siʻi hifo he uike ʻe 8 hono vamamaʻo.

Ko e fa'unga huhu malu'i ma'a e longa'ifānau (ki'i leka) ko ha huhu maʻulalo ange mo ha kiʻi huhu siʻisiʻi ange  hono mālohi ʻi hono fakafehoanaki ki he fa'unga huhu ʻa e kakai lalahi. ʻOku fakahoko e huhu maluʻi ʻaki ha kiʻi me'ahuhu mata'i hui siʻisiʻi ange.

Naʻe fakahaaʻi ʻe he ngaahi ʻahiʻahi’i fakakilīniki ʻo e huhu ki he longa'ifānau taʻu 5 ki he 11 'o e huhu maluʻi Pfizer naʻe malu pea mo angavaivai ʻa e ola uesia kovi.

ʻOku ola lelei ʻaupito ʻa e huhu maluʻi Pfizer 'o e longa'ifānau. ʻA ia ko hono ʻuhinga, kapau ʻe puke e longa'ifānau kuo 'osi huhú 'i he COVID-19, ʻoku siʻisiʻi ange ʻenau puke lahí pea siʻisiʻi ange ke nau fakamafolaʻa e vailasí ki he niʻihi kehe.

Ki he longa’ifānau taʻu 5 ki he 11, naʻe fakahaaʻi ʻe he ngaahi ola ‘o e ‘ahi’ahi fakafaito'o ʻa e huhu maluʻi Pfizer ko e 90.7% ne ngāue ki he ngaahi faka’ilonga puke ‘o e COVID-19, pea naʻe ʻikai ha puke lahi 'aupito he COVID-19 ‘a kinautolu ne nau kau ki hono ‘ahi’ahi.

Ako lahi ange fekauʻaki mo e huhu maluʻi COVID-19 mo e longa'ifānaú

Kuo vakaiʻi fakaʻauliliki ʻa e huhu maluʻi Pfizer ki he malu maʻa e kakai ʻoku nau mo'ua 'i he ngaahi fokoutua tauhi.

ʻOku poupouʻi malohi koe ké ke huhu maluʻi mo maʻu ha huhu malu'i fakalahi ʻi he taimi ʻoku ke malava 'o ma'u ai, kapau ʻoku ʻi ai ha tuʻunga hangē ko e kanisā, suka, mahaki'ia e kofuua pe mahaki mafu. Ko hono ʻuhinga eni he kapau te ke maʻu ʻa e COVID-19, ʻoku ngalingali te ke puke lahi pea ke iku ki falemahaki.

He ʻikai lava ké ke maʻu ʻa e huhu maluʻi Pfizer kapau kuo ke a'usia ha kaungakovi lahi (anaphylaxis) ki ha me'a ngaohi ʻo e huhu maluʻi.

Kapau ʻoku ʻi ai haʻo ngaahi fehuʻi pe hohaʻa, talanoa ki hoʻo toketā kimuʻa pea toki huhu maluʻi koe.

Faleʻi ki he huhu maluʻi kapau ʻoku ʻi ai haʻo mahaki tauhi

Ngaahi meʻa ngaohi ʻi he huhu maluʻi | Potugāue Moʻuí

Kapau ʻokú ké ke feitama

Kapau te ke maʻu ʻa e COVID-19 ʻi he taimi ʻoku ke feitama ai, ʻoku ngalingali te ke puke ʻaupito — ko ia ai 'oku lelei ange ke huhu maluʻi koe pea maʻu ha huhu fakalahi ʻi he taimi te ke malava ai ke ma'ú. 

Kuo huhu maluʻi ha kakai feitama ʻe lauimiliona ʻi he māmani kotoa. ʻOku ʻikai fakahaaʻi ʻe ha fakamatala fakamoʻoni ʻoku fekauʻaki ʻa e huhu maluʻí mo ha fakatuʻutāmaki lahi ange ʻo e tamatō lolotonga e feitamá, pea ʻoku ʻikai ke toe ʻi ai ha ngaahi hoha'a kuo 'ohake fekau'aki mo 'ene malú.

ʻOku maluʻi koe ʻe he huhu maluʻi he 'e siʻisiʻi ange hoʻo puke lahi. ʻOku ne maluʻi foki hoʻo pepē ʻo hangē ko ia ko e fakamoʻoni ʻe lava ke maʻu ʻe he fanga kiʻi pepē ha maluʻi ʻi honau tiupi fafangá ke maluʻi kinautolu mei COVID-19. ʻOku ʻikai ke ʻi he huhu maluʻi Pfizer ha vailasi moʻui pe ha faʻahinga meʻa ngaohi ʻoku fakatuʻutāmaki ki he kakai ʻoku feitamá pe ko ʻenau fanga kiʻi pepē.

ʻOku ʻikai feʻunga ʻa e fakamatala ki hono fakaʻaongaʻi ʻo e Novavax ʻi he kakai ʻoku feitamá, ko ia ʻoku kei hoko pe ʻa Pfizer ko e fili ke huhu maluʻi maʻa e kulupu ko ʻeni.

Kapau 'oku ke lolotonga fakahuhu

ʻOku fakahaaʻi ʻe he ngaahi akó ʻoku ʻikai ha toe hohaʻa pe palopalema makehe ki he malu ʻo e hokohoko atu hono fakahuhú hili e huhu maluʻi.

ʻOku poupouʻi ʻe he Fakahuhú ʻa hono fakatupulaki ʻo ha founga maluʻi moʻui lelei, pea kapau ʻoku huhu maluʻi koe mei he COVID-19, ʻoku ʻi ai ha fakamoʻoni te ke lava ʻo ʻomi ha maluʻi lahi ange maʻa hoʻo pepē ʻo fakafou ʻi he malu'i ʻi ho huhu'ahuhú.

Fekumi lahi ange fekauʻaki mo e huhu maluʻi ʻi he taimi ʻoku ke feitama pe fakahuhu ai

ʻIkai, he ʻikai uesia ʻe he huhu maluʻi Pfizer hoʻo tu'unga fa'ú pe malava 'o fanafanaú.

ʻOku ʻikai hu ʻa e mRNA mei he huhu maluʻi ki he feituʻu 'o ha faʻahinga selo, ʻa ia ko e feituʻu ia ʻoku ʻi ai hoʻo DNA.

Ko e ngaahi huhu maluʻi COVID-19 mo e malava 'o fanafanaú — IMAC

Hangē ko e faitoʻo kotoa pe, te ke ala aʻusia ha ngaahi uesia kovi ‘i ha ngaahi ʻaho hili hono fakahoko ho huhu maluʻí. ʻOku fa’a hoko pē ʻeni, pea ko ha fakaʻilonga ia ʻoku ngāue 'a ho'o sinó ke fuhu’i ʻa e vailasí.

Ko e lahi taha ʻo e ngaahi uesia kovi ʻoku ʻikai fuoloa, pea he ʻikai ke ne taʻofi koe mei haʻo fai ha huhu fakalahi pe mei hoʻo moʻui fakaʻaho. ʻE ala uesia fakataimi ʻe ha ngaahi uesia kovi ʻe niʻihi hoʻo malava ke fakaʻuli pe fakaʻaongaʻi e ngaahi misini.

ʻOku ʻi ai ha ngaahi uesia ʻe niʻihi ʻoku angamaheni ʻaki pe hili ʻa e huhu fakalahi hono ua.

ʻOku faitatau ʻa e ngaahi uesia kovi ʻo e huhu maluʻi ʻi he longa'ifānaú mo ia ʻoku hā mai ʻi he kakai lalahi. ʻOku faʻa angavaivai ʻa e ngaahi uesia kovi ko ʻení pea ʻoku totonu ke molea atu pe he ʻaho pe ʻe 1 pe 2.

Fekumi ki he ngaahi ola ʻo e lipooti ʻo e ngaahi uesia kovi

Ngaahi uesia kovi angamaheni

ʻI he ngaahi ‘ahi’ahi’i fakakilinikí, naʻe lipooti ʻa e ngaahi ola uesia kovi angamaheni ʻi he toko 1 kotoa pe ʻi ha toko 10 ki he toko 1 ʻi ha kakai toko 100. ʻOku kau heni ʻa e:

• mamahi pe pupula ʻi he feituʻu ne huhu'í
• ongoʻi helaʻia pe vaivaia 'aupito
• langa ʻulu
• felāngaaki e uoua
• fakamokosia
• mamahi e hokohokotanga huí
• mofi
• kulokula ʻi he feituʻu ne huhu'í
• tokakovi'ia.

Ngaah uesia kovi hāhāmolofia

ʻI he ngaahi ʻahiʻahi’i fakakilinikí, naʻe lipooti ‘oku ai ha ola uesia kovi hāhāmolofia ʻi he toko 1 kotoa pe ʻi ha toko 100 ki he toko 1 ʻi ha kakai ʻe toko 1,000. ʻOku kau heni ʻa e:

• fōlahi e fakaponopona 'o e limí
• ongoʻi puke
• 'ikai malava 'o mohe.

Ngaahi uesia kovi hāhāmolofia

Kuo lipooti mai ʻa e fakaheihei fakafa’ahi taha fakataimi ‘o e fofongá ko ha ola uesia kovi ‘oku hāhāmolofia, ʻo uesia ai ʻa e toko 1 kotoa pe ʻi he toko 1,000 ki he toko 1 ʻi ha kakai ʻe toko 10,000 ʻi he ngaahi ʻahiʻahi fakakilīniki.

Maiokātaitisi (Myocarditis) mo e pelikātaitisi (pericarditis)

Ko e Myocarditis ko e pupula ia ʻo e uoua 'o e mafu. Ko e Pericarditis ko e pupula ia ʻo e kakano kofu takai ho mafu. ʻOku faʻa fakatupu ʻa e ngaahi tukunga ko ʻeni ʻe ha pihia 'i ha vailasi kau ai ʻa e COVID-19, ka ʻoku nau hāhāmolofia mo e ngaahi uesia kovi ʻo e huhu malu'i Pfizer mo Novavax.

ʻOku faʻa ʻasi ʻa e ngaahi fakaʻilonga ʻo e myocarditis pe pericarditis ʻoku fakafehokotaki ki he huhu maluʻi ʻi loto ʻi ha ngaahi ʻaho siʻi, pea meimei ʻi he ngaahi ʻuluaki uike hili hono maʻu e huhu maluʻi.

Kapau te ke maʻu ha taha ʻo e ngaahi fakaʻilonga puke ko ʻeni hili hoʻo huhu maluʻi, maʻu leva ha tokoni fakafaitoʻo, tautautefito kapau he ʻikai molea ʻa e ngaahi fakaʻilonga puke ni:

• maha'iha'i, māfatukituki, taʻefiemālie pe mamahi ʻi he fatafatá pe kiá
• faingataʻa e mānavá pe fakatau 'enau mānavá
• ongoʻi vaivaia pe ninimo pe ongo'i tētē e ʻulú
• fetōkaki, tā vave pe matukituki e mafú, pe ʻoku nau ongoʻi ʻoku 'puna fakalaka 'a e tā'.

Kapau ʻoku ke ongoʻi ha taha ʻo e ngaahi fakaʻilonga puke ko ʻeni ʻi he ngaahi ʻaho pe uike hili ʻa e huhu maluʻi, ʻoku totonu ké ke sio ki ha tokotaha palofesinale ki he moʻuilelei — hangē ko hoʻo toketā, potungāue ki he meʻa fakatuʻupakē ʻa e falemahaki pe ko ha tokoni fakafaitoʻo tu'ataimi 'o e houa ngāue. He ʻikai fiemaʻu ia ké ke totongi ʻeni.

Te ke lava foki ʻo telefoni ki he Healthline ʻi he 0800 358 5453 ʻi ha faʻahinga taimi pē ke maʻu ha faleʻi.

Kapau ʻokú ke fiemaʻu ha tokoni fakafaitoʻo fakavavevave, tā ki he 111. Talaange kia kinautolu ʻoku ne ke puke he COVID-19 koeʻuhi ke nau lava ʻo sivi'i lelei koe. Talaange foki kiate kinautolu kapau 'oku ke puke he COVID-19, pe kuo ke maʻu ia.

Ngaahi uesia kaunga kovi (allergic)

Kapau kuo ke maʻu ha uesia kaunga kovi 'aupito pe kaunga kovi 'i he taimi ko iá ki ha faʻahinga huhu maluʻi pe huhu ʻi he kuohilí, talaange ki hoʻo tokotaha faihuhú ʻi hoʻo aʻu ki aí. ʻOku hoko ʻa e ngaahi uesia kaunga koví ka ʻoku hāhāmolofia ʻaupito.

ʻOku lava ke maʻu ʻa e Novavax ʻi ha ngaahi feituʻu fai'anga huhu fakangatangata ki he taha taʻu 18 'o fāi hake, ʻa ia kuo teʻeki ai ke huhu maluʻi kakato pea ʻoku ne fiemaʻu ha founga huhu maluʻi kehe ʻo e COVID-19.

Te ke lava ʻo puka hoʻo huhu Novavax ʻi he ʻinitanetí ʻo fakafou ʻi he BookMyVaccine pe telefoni ki he Huhu Maluʻi COVID he Healthline ʻi he 0800 28 29 26.

ʻOku fiemaʻu ʻe he huhu maluʻi Novavax ha huhu ʻe 2. ʻE fiemaʻu ké ke tatali 'o 'ikai toe si'isi'i hifo ʻi ha uike ʻe 3 kimuʻa pea toki maʻu hoʻo huhu hono ua.

ʻOku ʻikai lava ke maʻu ʻa e Novavax he taimi ni ko ha huhu malu’i fakalahi.

Huhu maluʻi Novavax | Potungāue Moʻuí

'Okapau 'oku ke ma'u ha huhu malu'i kehe mei ho'o 'uluaki huhu malu'i

Kapau ne ke ma'u ha huhu malu'i kehe 'i hoʻo fuofua huhu, te ke fiemaʻu ha tohi fakamafai fakafaito'o e toketā (prescription) ke ma'u e novavax ko hoʻo huhu hono ua. Te ke lava ʻo maʻu ha faitoʻo ʻi he kilīniki fai'anga huhu Novavax pe kimuʻa pea ke ʻapoinimeni mo hoʻo toketā ʻoku ke fiemaʻú. ʻOku ta'etotongi e ʻaʻahi ki he toketā ki he tohi faka'atā fakafaito'o ki he Novavax.

ʻOku mau fokotuʻu atu ké ke tatali 'o 'ikai toe si'isi'i hifo ʻi ha ʻaho ʻe 28 pea ke toki ma'u e Novavax ko hoʻo huhuhono ua.

Kapau ʻokú ké ke feitama

ʻOku ʻikai feʻunga ʻa e fakamatala ki hono fakaʻaongaʻi ʻo e Novavax ʻi he kakai ʻoku feitamá, ko ia ʻoku kei hoko pe ʻa Pfizer ko e fili ke huhu maluʻi maʻa e kulupu ko ʻeni.

ʻOku ʻikai toe ‘atā ʻa e huhu maluʻi AstraZeneca ʻi Nuʻusila ni.

ʻOku tailiili hatau tokolahi ʻi he ngaahi hui 'o e me'ahuhu – ʻoku tokolahi pe e ni'ihi 'oku pehē. ʻOku ʻi ai ha ngaahi meʻa te ke lava ʻo fai ke tokoni ki ai. ʻOmi ha taha ki hoʻo ʻapoinimení te ne lava ʻo puke ho nimá pe fakahanganoaʻi koe, pea fakapapauʻi ke fakahā'i ki ho'o tokotaha faihuhú. ʻE mahino kiate kinautolu pea te nau lava ʻo tokoni atu ké ke ongoʻi fiemālie.

Faleʻi maʻa e kakai ʻoku ʻikai ke nau saiʻia ʻi he hui 'o e me'ahuhu | Senitā Faleʻi 'o e Huhu Malu'i

Ka ʻi ai ha taha ʻoku faingataʻa ‘enau mavahe mei honau ʻapí, ʻe lava ke fakahoko honau huhu maluʻí ʻi ʻapi.

Talanoa ki hoʻo toketā pe telefoni ki he Laine e Potungāuemo’uí ki he Huhu Malu’i Covid (COVID Vaccination Healthline) ʻi he 0800 28 29 26 ke aleaʻi pe ko e hā e ngaahi fili te ne feau lelei taha hoʻo ngaahi fiemaʻú.

Kapau ʻoku ʻikai ké ke sai ʻi he ʻaho ʻo hoʻo ʻapoinimení, ʻe fiemaʻu ké ke toe puka. ʻE lava ke huhu maluʻi koe ʻi hoʻo saí.

Kapau ʻoku ke ma'u e ngaahi fakaʻilonga puke ʻo e COVID-19, fai ha sivi pea nofo ʻi ʻapi kae ʻoua kuo ke maʻu ho ngaahi ola. ʻE lava ke huhu maluʻi koe ʻi he taimi pe ʻoku ola nekativi ai ho siví.

'Okapau te ke sivi ola positivi 'i he COVID-19

Tatau ai pe kapau kuo ke maʻu ʻa e COVID-19 ʻoku totonu ké ke kei maʻu pe ha faʻahinga huhu maluʻi COVID-19 ʻoku ke feʻunga mo ia.

ʻOku fokotuʻu atu ké ke tatali ʻi ha māhina ʻe 3 hili ho sivi ola positiví kimuʻa pea toki maʻu ha huhu maluʻi COVID-19. Ko hono ma'u vave ange 'o ha huhu malu'i COVID-19 'i he māhina 3 'e ala ke ne fakasi'isi'i 'a e malava 'e ho'o sinó 'o tali 'a e huhu malu'i.

ʻOku ʻoange ʻe ha vaha'a 'o e mahina ʻe 3 ha taimi ki ho sino ke toe foki hifo ʻo maʻu ʻa e lelei taha mei he huhu maluʻí.

Neongo ia, kapau ʻoku ke ʻi ha tuʻu lavea ngofua ange ke puke lahi 'aupito kapau te ke toe puke he COVID-19, ʻoku mau fokotuʻu atu ké ke talanoa ki hoʻo toketā pe mataotao sipesialisi kehé ke maʻu ha faleʻi ʻi he taimi ʻo hoʻo huhu hoko. Mahalo ʻe feʻunga ké ke maʻu ho huhu maluʻi COVID-19 ʻo vave ange ʻi he mahina ʻe 3.

'Okapau 'oku si'i ho ta'ú he ta'u 18

Ko e vaha mahina 'e 3 'oku totonu ke fakanounou pē ki he kau ta'u 5 ki he 17 'oku nau 'i he tu''unga lelei ange pea 'oku fiema'u ke vakai'i 'e ha toketā pe mataotao sipesialisi.

ʻOku tu'u lelei ange e longa'ifānaú mo e fānau tupú ke nau matatali 'a e ngaahi huhu malu'í pea 'oku si'isi'i e ngaahi fakamatala 'oku ma'u fekau'aki mo hono 'oatu 'o e ngaahi huhu malu'i COVID-19 ki he longa'ifānau īiki mo e fānau tupu 'oku si'isi'i 'i he māhina e 3 hili 'a 'enau pihia 'i he COVID-19.