Kuo pau ke huhu maluʻi ha kau ngāue ʻe niʻihi mei he huhu maluʻi COVID-19 ke nau ō ʻo ngāue. Kumi ha fakamatala lahi ange kia kinautolu ʻoku fiemaʻu ke huhu maluʻi.
Kuo fanongonongo ʻe he puleʻanga kuo ta'ofi kotoa e toenga ʻo e tu'utu'uni 'o e huhu maluʻi fakapuleʻanga ke ngata ia ʻi he ʻaho 26 ʻo Sepitema 2022. ʻOku fakatefito ʻeni ki he kau ngāue ki he moʻui leleí mo e kau faingataʻaʻia fakaesinó.
ʻE kei fiemaʻu pe ʻe ha kau pulengāue ʻe niʻihi ke kei huhu malu’i ha kau ngāue koeʻuhi ko e moʻui leleí mo e malú.
ʻOku ʻi ai ha kau ngāue ki he moʻui lelei mo e faingataʻaʻia fakaesino ʻoku fiemaʻu ke huhu maluʻi kinautolu, koeʻuhi he ʻoku nau fetuʻutaki vaofi mo e kakai ʻoku ngalingali te nau puke lahi kapau te nau maʻu e COVID-19.
Ko e Tu'utu'uni Pau 2021 (Tu'utu'uni Pau 'o e Huhu Malu'i) COVID-19 Ki hono Tokokangaekina 'o e Kakai e Fonua (Ngaahi Huhu Malu'i) 'oku ne fakahā'i ai 'a kinautolu ʻoku ngāue ʻi he potungāue tokangaekina e moʻui lelei mo e faingataʻaʻia fakaesino ʻoku 'i he malumalu 'o e Tu'utu'uni Pau 'o e Huhu Maluʻi.
ʻOku toe tuʻutuʻuni foki ʻa e ngaahi huhu maluʻi fakalahi 'o e COVID-19 ki he ngaahi potungāue ʻoku fakamatalaʻi ʻe he Tu'utu'uni Pau 'o e Huhu Maluʻi.
ʻOku ʻuhinga ʻeni kuo pau ke maʻu ʻe he kau ngāue ʻi he ngaahi ngāue ni ha huhu fakalahi ʻi loto he mahina ʻe 6 (ʻaho ʻe 183) ʻo hono fakakakato ʻenau kalasi huhu maluʻi tefito.
Mei he 11:59pm 'o e 'aho 7 'o Siulai, ko e kau ngāue 'oku 'ikai ke nau ngāue 'i ha ngāue'anga 'oku 'ikai fehangahangai mo e kakai 'i ha 'ātakai tokangaekina 'o e mo'ui lelei pea/pe 'ikai fakahoko ha ngāue hangatonu ki he kau mahaki, 'e 'ikai toe fiema'u ke nau huhu malu'i ki he COVID-19.
Ko e ngaahi kakai ko ʻení ‘oku kei fiema’u pē ke nau huhu maluʻi:
- kau faifatongia ki he tokangaekina 'o e moʻui lelei 'oku nau fesiofaki mo e kau fokoutua (hange ko e kau toketā, kau neesi mo e toketā nifo)
- kau ngāue ʻi he ngaahi senitā fakafaitoʻo/GP mo e ngaahi fale talavai (hangē ko e kau tali telefoni mo e kau ngāue tokoni) ʻa ia ʻoku kau honau fatongia ʻi loto tauhi e mita e 2 pe siʻi hifo ʻe ha tokotaha faifatoniga ki he tokangaekina e moʻui lelei pe memipa ʻo e kakai ʻi ha miniti ʻe 15 pe lahi ange
- kau ngāue ʻoku ngāue pe fakangāue'i ʻe ha potungāue kuo lēsisita (hangē ko e ngaahi falemahaki, 'api tauhi'anga 'o e kau vaivai mo e 'api tauhi'anga e kau faingata'a'ia fakaesino) ʻa ia, ko ha konga ʻo honau ngaahi fatongia angamaheni, ʻoku nau fetuʻutaki mata ki he mata mo e kakai ʻoku nau tokanga e moʻuilelei
- kau ngāue tauhi mo poupou — kau ngāue ʻoku ngāue pe fakangāue'i ke fai ha tauhi pe tokoni ʻi ha ʻapi pe feituʻu nofoʻanga.
Ko e ngaahi huhu malu'i e valu 'oku fa'a ngāue'aki ʻi tu'apule'anga maʻa e kau ngāue ʻoku 'i he malumalu 'o e tuʻutuʻuni pau 'o e huhu malu'i COVID-19.
Ko e ngaahi huhu malu’i ʻoku fa'a ngāue'aki ko e:
- Huhu Malu'i Pfizer/BioNTech
- Huhu Malu'i AstraZeneca (Oxford)
- Huhu Malu'i AstraZeneca/Covishield (Serum Institute of India)
- Huhu Malu'i Moderna
- Huhu Malu'i Sinopfarm
- Huhu Malu'i Sinovac (CoronaVac)
- Huhu Malu'i Covaxin (Bharat Biotech)
- Huhu Malu'i Novavax (Nuvaxovid, NVX-CoC2373)
- Huhu Malu'i Janssen (Johnson and Johnson).
ʻOku ʻuhinga ʻa e tefitoʻi kalasi ʻo e huhu maluʻi ki he huhu ʻe 2 'i he ngaahi huhu malu'i kotoa ʻoku ʻiloʻi tuku kehe pe ʻa e Janssen (Johnson and Johnson) — ko e huhu pe ʻe 1 ʻoku fiemaʻu ki he huhu maluʻi ko ʻení.
Kapau ʻoku ʻikai kau hoʻo kau ngāue ʻi he tuʻutuʻuni ʻo e huhu maluʻi, te ke lava ʻo fili pe ʻoku ke fiemaʻu ke huhu maluʻi kakato hoʻo kau ngāue ko ha tuʻunga ia ʻo ʻenau ngāue malava 'o kei ngāue.
Kuo pau ke fakahoko ʻe he kau pule ha siviʻi e tu'unga fakatu'utāmaki mo fakakaukauʻi ʻa e ngaahi founga moʻui lelei kehe kotoa ma'a e kakai 'o e fonua te nau lava ʻo fakaʻaongaʻi ke fakasiʻisiʻi ʻa e fakatuʻutāmaki ʻo e COVID-19 ʻi heʻenau ngaueʻanga.
ʻE toki lava pe ke fakaʻaongaʻi ʻa e ngaahi huhu maluʻi ko ha meʻafua ki he fakatuʻutamaki ʻo e pihia mo hono fakapipihi ʻo e COVID-19 ʻi he ngāue 'o ma'olunga ange 'i he 'ene hoko ʻi he komiunitī.
Kimuʻa pea ke fakapapauʻi pe ʻoku feʻunga ʻa e ngaahi fiemaʻu ki he huhu maluʻi mo hoʻo ngaueʻanga, ʻoku mau tapou atu ké ke lau ʻa e tohi fakahinohino ki he Ngaahi Ngāue'anga mo e Malu 'o e Ngāue 'i Nu'usila pe Employment New Zealand and WorkSafe New Zealand ke maʻu ha faleʻi.
Pule'i 'o e COVID-19 ʻi he ngāué – ngaahi fiemaʻu ki he huhu maluʻi ʻa e pulengāue | WorkSafe
Ngaahi huhu malu'i mo e ngaueʻanga | Potugāue Ngāue 'a Nuʻusila