Fekumi ké ke ʻiloʻi e meʻa ʻe hoko ʻi hoʻo ngaahi ʻapoinimeni huhu maluʻi COVID-19.
1. ʻI hoʻo aʻu ki aí
ʻE talanoa atu ha taha ngāue ki he moʻui lelei ʻi he meʻa ʻe hokó.
ʻE fehuʻi atu ka koe:
- ho hingoá, ʻaho fāʻeleʻí mo e tuʻasilá koeʻuhí ke mau lava ʻo fakapapauʻi ʻeni ʻi he Lēsisita Huhu Malu’i COVID (ʻoku ʻikai fiemaʻu ia ké ke fakahaaʻi ha ID)
- ke fakahā’i ange ʻoku ke fakangofua ké ke maʻu ʻa e huhu maluʻí — ko ha founga angamaheni ʻeni ki ha faʻahinga huhu maluʻi pē.
2. Ko hono fakahoko ho’o huhu maluʻi
ʻE huhu'i ho'o huhu malu'í ki he konga ki 'olunga ho umá 'e ha tokotaha fuafatongia ki he huhu malu'í kuo 'osi pōto'i hono fakahokó.
3. Hili hono maʻu ho huhu maluʻí
ʻE fiemaʻu ké ke nofo mai ʻo 'ikai toe si'isi'i hifo 'i ha miniti ʻe 15 hili hoʻo huhu maluʻí koeʻuhí ke mau lava ʻo fakapapauʻi ʻoku ke sai pe.
Ko e Pfizer ʻa e huhu maluʻi COVID-19 angamaheni ʻoku fakaʻaongaʻi ʻi Nuʻusilá.
Kapau ʻoku ke taʻu 18 pe motuʻa ange pea he ʻikai ké ke lava ʻo maʻu ʻa e huhu maluʻi Pfizer pe ʻoku ke fiemaʻu ha fili kehe, te ke lava ʻo maʻu ʻa e huhu maluʻi Novavax.
ʻE ʻoatu kiate koe ʻa e ngaahi filí ké ke fili mei ai ho’o huhu maluʻí ‘i ho’o puká. ʻOku ʻikai ‘atā ʻa e huhu maluʻi Novavax ʻi he ngaahi feituʻu huhu maluʻi kotoa pē.
Tatau aipē pe ko e hā e huhu maluʻi ‘oku ke huhu ’akí, ʻoku kei fiemaʻu tatau pē ‘a e huhu ʻe 2.
Hangē ko e faitoʻo kotoa pē, ‘e lava ké ke aʻusia ha ngaahi uesia kovi vaivai. ʻOku fa’a hoko pē ʻeni, pea ko ha fakaʻilonga ia ʻoku ngāue 'a ho'o sinó ke fuhu’i ʻa e vailasí.