Huhu malu'i Pfizer

Ko e vāmamaʻo angamaheni ʻi he vahaʻa ʻo e ū huhu ‘o e huhu maluʻi Pfizer ko ha uike ʻe 3 pe lahi ange.

Ki he longa’ifānau taʻu 5 ki he 11, ko e vāmamaʻo ʻoku fokotuʻu atu ʻi he vahaʻa e huhú ko ha uike ʻe 8 pe lahi ange. ʻE lava ke fakanounouʻi ʻeni ʻo ‘oua ‘e toe si’i hifo he ʻaho ʻe 21 kapau ʻe fiemaʻu — hangē ko ʻení, kapau ʻoku kamata ʻe he ki’i leká ha faitoʻo ‘oku ne fakavaivai’i e ngāue ‘o e me’a malu’i ‘o e sinó. ʻE fiemaʻu ké ke talanoaʻi ʻeni mo e toketā ʻa e kiʻi leká.

Huhu maluʻi Novavax

Ko e vāmamaʻo angamaheni ʻi he vahaʻa e huhu ‘o e huhu maluʻi Novavax ko ha uike ʻe 3 pe lahi ange.

Ko kinautolu ‘oku ‘ova he ta’u 5 ‘oku uesia lahi ange ‘a e me’a maluʻí honau sino ‘oku nau lava ma’u e faingamālie ke ma’u e huhu hono tolu ‘o e huhu tefito ‘o e huhu maluʻi Pfizer ki he COVID-19.

Huhu hono tolu ‘o e huhu tefitó kia kinautolu ‘oku uesia 'aupito 'a e me'amalu'i honau sinó

Kapau ʻoku ke maʻu ha huhu maluʻi Zostavax mei he fanga ki’i veli fakamohomoho mamahi, ʻoku fokotuʻu atu ha ke fakavaha ‘aki e ʻaho ʻe 7 kimuʻa pe hili hano fokotuʻu atu ha huhu maluʻi COVID-19.

Kapau te ke maʻu ʻa e huhu maluʻi Novavax, ‘oku fiema’u ke fakavaha’a ‘aki e ʻaho ʻe 3 kimuʻa pe hili hano huhu maluʻi Shingrix ki he fanga ki’i veli mohomoho mamahí pe ‘oku fokotu’u atu ke huhu maluʻi fulū ‘aki e Fluad Quad.

‘Oku malava ke fakahoko kotoa ‘a e ngaahi huhu malu’í, hili iá, pe ‘i ha taimi tatau mo ha fa’ahinga huhu malu’i COVID-19.

Kapau ko hoʻo fuofua huhú ko e huhu malu’i Pfizer

ʻE lava ké ke maʻu hoʻo huhu hono uá ʻi Nuʻusila ni. ʻE fiemaʻu ke ʻoua naʻa toe siʻi hifo he uike ʻe 3 hili hoʻo fuofua huhu.

Kapau ko hoʻo fuofua huhú ko e huhu malu’i AstraZeneca

ʻOku ʻikai toe ‘atā ʻa e huhu maluʻi AstraZeneca ʻi Nuʻusila ni. Te ke lava ʻo maʻu ʻa e huhu malu’i Novavax pe Pfizer ki hoʻo huhu hono ua.

Kapau ko hoʻo ʻuluaki huhú ko ha huhu malu’i kehe

ʻI he tuʻunga ko ʻeni, ʻoku mau fokotuʻu atu ké ke maʻu ha huhu ʻo e huhu malu’i Pfizer ʻi Nuʻusila.

ʻI ho’o puká, ʻe ʻeke atu pe kuo ʻosi ʻi ai haʻo huhu ʻe 1, ko e huhu maluʻi fē, pea mo e ʻaho naʻe maʻu ai. ʻE fikaʻi ʻe he Book My Vaccine (Puka ‘Eku Huhu Maluʻí) ʻa e taimi ʻoku ke lava ai ʻo maʻu ha huhu ʻo e huhu maluʻi Pfizer.

ʻOku ʻikai ke malva ke fakatatau ʻa e ‘ū huhu malu’i ko ʻeni, ka ʻoku ngalingali ‘e fenāpasi lelei ki ha toe huhu ʻe taha ʻo e huhu Maluʻi Pfizer. Ko hono ‘uhinga ko ‘ení he ‘oku fakataumu’a kotoa ‘a e ‘ū huhu malu’i ko ‘ení ke ne matatali ‘a hono malu’i ‘o e sinó mei he konga tatau ‘o e vailasi COVID-19.

Kapau na’a ke huhu he taha ʻo e huhu maluʻi ʻa e Johnson & Johnson (Janssen), ʻoku ʻikai ke toe fiemaʻu ha’o huhu hono ua.

Huhu malu’i fakalahi

Ko e huhu maluʻi Pfizer ko e tefitoʻi huhu maluʻi ia ʻoku fakaʻaongaʻi ʻi Nuʻusila ni ki he huhu malu’i fakalahi, tatau ai pe kapau na’a ke huhu maluʻi kehe ki hoʻo ‘ū huhu kimuʻa. Kapau ʻoku ke taʻu 16 pe 17, te ke lava pe ʻo maʻu ʻa e huhu malu’i fakalahi Pfizer.

Kapau ‘oku ke a’usia ha kaungakovi (allergic) ‘aupito ki ha faʻahinga huhu maluʻi pe huhu ‘i he kuohili, fakahā’i ki ho’o tokotaha fakahoko huhu malu’i.

ʻOku totonu ké ke talanoa ki hoʻo toketā pe ko e fē ʻa e huhu maluʻi ʻoku feʻunga mo koé kapau ʻoku ʻi ai haʻo hisitolia ʻi he anaphylaxis:

• ki ha faʻahinga me’a ne ngaohi 'aki 'oku ʻi he huhu maluʻi Pfizer pe Novavax
• ki ha huhu kimuʻa ʻo e Huhu maluʻi Pfizer pe Novavax.

ʻI he taimi te ke puka ai ho huhu maluʻi, ʻe ʻeke atu pe ʻoku ke fiemaʻu ha tokoni lolotonga hoʻo ʻapoinimeni.

ʻOku kau ʻi he tokoní e:

• tokotaha fakatonulea ‘o e kakai noa ʻi Nu’usila
• poupou ke fai ha ngaahi tuʻutuʻuni
• tokoni ke ngāue takai holo
• ha taimi lōloa ange ʻo e taimi ʻapoinimení
• ko ha ʻātakai longonoa 'ikai mo'ua
• ha feituʻu lahi ange ke lue takai holo ai.

Kapau te ke puka ʻi he ʻinitanetí, ta mau ala fiemaʻu ke mau fetuʻutaki atu ke fakapapauʻi te mau lava ʻo fakakakato ho ngaahi fiemaʻu ʻi he feituʻu ʻokú ke fili ke fai ai e huhu maluʻí.

Poupou ki he fakamatala maʻá e kau faingataʻaʻia fakaesinó