Ngaahi moʻoniʻi meʻa mo e fale’i ‘o e huhu maluʻi COVID-19

Maʻu ha faleʻi totonu mo falalaʻanga fekauʻaki mo e huhu maluʻi COVID-19, kau ai ʻa e huhu maluʻi maʻa e longa'ifānau mo e kakai ʻoku feitamá, mo e fakamatala fekauʻaki mo e ngaahi huhu malu'i Pfizer, AstraZeneca mo e Novavax

Huhu maluʻi maʻa e longa’ifānau taʻu 5 ki he 11
Ngaahi lelei ʻo e huhu malu’i ‘o e fānaú

Ngaahi lelei ʻo e huhu malu’i ‘o e fānaú

 

Dr Jin Russell— ko e ʻuhinga ʻe 4 ke huhu malu’i ai ‘a e fānaú mei he COVID-19

Dr Owen Sinclair — ko e ngaahi uesia mo e ngaahi lelei ʻo e huhu malu'i 'a e fānaú

Dr Pete Watson — Ko e founga ʻoku tokoni ai ʻa e huhu malu'i 'o e fānaú ke maluʻi homou koló

Founga ʻe lava ke uesia ai ʻe he COVID-19 ʻa e fānaú

Founga ʻe lava ke uesia ai ʻe he COVID-19 ʻa e fānaú

ʻOku faʻa ʻi ai ha ngaahi ola vaivai ʻo e COVID-19 ʻi he fānau pea ʻoku tātāitaha ke faingataʻa pe fakatuʻutamaki. Ko e longa'ifānau mo e fānau tupu 'oku nau puke he COVID-19 'oku 'ikai ke nau fa'a ma'u ha faka'ilonga puke pe ma'u pe ha fanga ki'i faka'ilonga puke vaivai, pe mei faitatau ki he momoko. Ka, 'oku 'i ai e ni'ihi 'oku nau ala puke lahi pea mo iku ki falemahaki.

ʻE lava ke kau ʻi he ngaahi palopalema hāhāmolofia 'a e fepulopulasi 'o e 'ōkani mo e konga mahu'inga 'o e sino 'o e longa'ifānau pe Multisystem Inflammatory Syndrome (MIS-C), ʻa ia ʻe ala fiemaʻu ke 'ave ki he tafa'aki 'o e tu'unga fakatu'utāmaki taupotu tahá. ʻE lava foki ke faingataʻaʻia ʻa e kulupu toʻu ko ʻení ʻi ha ngaahi uesia taimi lōlōa (ʻoku ʻiloa ko e COVID lōlōa), ʻo aʻu ai pe ki he hili ha ngaahi puke vaivai ʻo e COVID-19.

Ngaahi fakaʻilonga puke COVID-19

Founga ʻoku ngāue aí

ʻOku maʻu ʻe he longa'ifānaú ha huhu maʻulalo ange ʻo e huhu Maluʻi Pfizer

ʻOku maʻu ʻe kānau taʻu 5 ki he 11 ha tatau ʻo e huhu malu'i 'o e longa'ifānau (paediatric) ʻo e huhu maluʻi Pfizer, mo ha huhu maʻulalo mo siʻisiʻi ange. Naʻe fili ʻa e huhu maʻulalo angé ʻo makatuʻunga ʻi ha ʻahiʻahi naʻa ne fakahaaʻi naʻe malu ʻa e huhu maʻulalo angé pea naʻe siʻisiʻi hono ngaahi uesia kovi ʻi he toʻu ko ʻení.

ʻOku ʻikai feʻunga ʻa e longa'ifānaú ke maʻu ha huhu malu'i fakalahi pe ko e huhu AstraZeneca.

ʻOku fiema'u ha huhu ʻe 2 ma'a e longa'ifānaú ka'e fakavaha'aki kinaua ha uike ʻe 8 'o 'ikai toe si'i ange ai

Ke maluʻi kakato, ʻoku fiemaʻu ʻe he fanaú ha huhu ʻe 2 ʻo e huhu maluʻi Pfizer. ʻOku fokotuʻu atu ke fakavaha'aki 'a e huhu ʻuluakí mo e huhu uá ʻa e uike ʻe 8 'o 'ikai toe si'i ange ai.

'E malava 'o fakanounou 'a hono fakavahá ke 'oua e toe si'isi'i hifo he 'aho e 21 'o ka fiema'u — hangē ko eni, 'okapau ko e ki'i leká 'oku kamata ha'a ne faito'o te ne fakavaivai'i e malu'i e sino 'o e kii leká. Te ke fiema'u ke talanoa ki he toketā 'a e ki'i leká.

Expand all
Ko hono foaki e ngofuá maʻa e longa’ifānau taʻu 5 ki he 11

ʻOku fiemaʻu ha taha lahi falalaʻanga ke ʻalu mo e tamasiʻí ki he ʻapoinimení (ngaahi). ʻE lava ke hoko ʻeni ko ha mātuʻa, tokotaha lahi ʻi he fāmilí, kaungāmeʻa falalaʻanga ʻo e fāmilí, tokotaha fakafofonga kuo fakamafai'i fakalao, pe tokotaha tauhi whanaungatanga.

ʻOku fiemaʻu ke fai ha fakangofua e huhu maluʻí ʻe ha tauhi fakalao ʻo e fānau.

Kapau ko e tokotaha lahi ʻoku ʻalu mo e tamasiʻí ki he aleaʻí ʻoku ʻikai ko ha tauhi fakalao ia ʻo e fānaú:

  • ʻe fiemaʻu ke fakapapauʻi ʻe he tokotaha fakahoko e huhú ʻi he telefoni ki ha tauhi fanau fakalao ke nau foaki e ngofua ki he tamasiʻi ʻoku huhu maluʻi, pe
  • ʻe lava ke ʻomi ʻe he kakai lalahi falalaʻanga ha tatau kuo fakamoʻoni hingoa ki ai ʻo e foomu fakangofua ʻo e huhu maluʻi COVID-19 naʻe fakafonu ʻe ha tauhi fanau.

Ko e founga angamaheni ʻeni ʻo e fakangofuá.

'Okapau 'oku ta'u 11 ho ki'i leka

Ko e meʻa pe ia ʻa e matuʻa pe tokotaha tauhí ke fili ʻa e taimi ʻoku fai ai ʻe ha kiʻi tamasiʻí ʻenau fuofua huhu maluʻí. Kapau te ke fili ke tatali kae ʻoua kuo hoko honau taʻu 12, te nau maʻu ʻa e huhú maluʻi maʻa e kakai lalahí ki he ongo huhu fakatouʻosi.

Kapau ʻe fai ʻena fuofua huhú ʻi hona taʻu 11, te na maʻu e tatau ʻa e huhu ki he longa'ifānau ki he ongo huhú fakatouʻosi — tatau ai pē kapau ʻe maʻu ʻena huhu fika uá hili hona taʻu 12.

'Okapau 'oku vaivai 'aupito 'a e me'a malu'i e sino ho ki'i leka

Ko e longa'ifānau 'oku vaivai 'aupito e me'amalu'i honau sinó 'i he vaha'a 'o e ta'u 5 ki he 11 'oku nau malava 'o ma'u 'a e huhu malu'i Pfizer tefito hono tolu ki he COVID-19. Te ne 'oatu ha malu'i makehe ki ho ki'i leká, pea mo tokoni ki hono fakasi'isi'i 'a e malava ke fakamafola e vailasi ki he ni'ihi kehe.

Ko e huhu tefito hono tolú kuo pau ke fai ia ʻe ha toketā, neesi lēsisita pe ko ha palofesinale fakafaito'o kehe. Ke ʻiloʻi e malava hoʻo fānau ke ma'ú, te ke lava ʻo tohi ha ʻapoinimeni taʻetotongi mo hoʻo palofesinale angamaheni ki he moʻuilelei.

Mahalo ʻe lava ke maʻu ʻe hoʻo fānau ʻa e huhu tefito fika tolú ʻi he taimi tatau pe mo ʻenau talatalá — vakaiʻi mo fakahoko 'o e huhú ke sio pe ʻoku nau fakahoko e huhu malu'i Pfizer COVID-19 vaivai 'o e fānaú. Kapau ʻoku ʻikai, te ke lava ʻo ʻave ʻa e tohi fakamafai faitoʻo ki ha faʻahinga huhu maluʻi pe.

ʻOku totonu ke ma'u ia ʻi ha uike ʻe 8 hili ʻa e huhu malu'i fakahalhi hono ua, ka ʻe lava pe ke fai ia hili ha uike ʻe 4 mei ai, ʻo makatuʻunga ʻi he ngaahi faito'o lolotonga 'oku ala fakavaivai'i e malu'i 'o e sinó 'oku lolotonga fakahoko pe palani'í.

Ko e huhu tefito hono tolú ʻoku fili pe ka ʻoku fokotuʻu mai ia ʻe he Kulupu Faleʻi Fakatekinikale ʻa e COVID-19. Kuo ʻosi foaki ki he fānau ʻi he toʻu ko ʻení ha huhu tefito hono tolu ki tu'apule'anga, kau ai ʻa ʻAositelēlia, ʻIunaiteti 'Amelika, Kānata, pea mo e Pilitānia lahi.

'Okapau 'oku ma'u 'e ho'o ki'i leká 'a e COVID-19

Tatau ai pe kapau kuo maʻu ʻe hoʻo fānauú ʻa e COVID-19, ʻoku totonu ke nau kei maʻu pe ha faʻahinga huhu maluʻi ʻe 19 ʻoku nau malava 'o ma'u.

ʻOku fokotuʻu atu ké ke tatali ʻi ha māhina ʻe 3 hili ho sivi ola positiví kimuʻa pea toki maʻu ha huhu maluʻi COVID-19.

Ko e vaha'a taimi māhina ʻe 3 'oku ne tuku atu ke fakaakeake e me'a malu'i ho sinó mei ho'o pihiá pea ke ma'u ai 'a e lelei tahá mei ha huhu maluʻi. Ko hono vave ange ‘a e ma’u ‘o e huhu malu’í ‘i he māhina e 3 ‘oku ala ʻuhinga ia ‘oku ‘ikai ke fu’u mālohi ‘a e me'a malu’i ho sinó.

Ola lelei 'o e huhu malu'i

Ola lelei 'o e huhu malu'i

Kapau ʻoku 'e puke he COVID-19 e longa'ifānau pe kinautolu tutupu hake kuo nau huhu malu'í, 'e si'isi'i ange 'aupito 'enau puke lahí mo hono fakapipihi 'o e vailasí ki he ni'ihi kehé.

Ki he longa’ifānau taʻu 5 ki he 11, naʻe fakahaaʻi ʻe he ngaahi ola ‘o e ‘ahi’ahi fakafaito'o ʻa e huhu maluʻi Pfizer ko e 90.7% ne ngāue ki he ngaahi faka’ilonga puke ‘o e COVID-19, pea naʻe ʻikai ha puke lahi 'aupito he COVID-19 ‘a kinautolu ne nau kau ki hono ‘ahi’ahi.

Dr Lily Fraser — ko e ngaahi uesia kovi 'o e COVID-19 'i he longa'ifānau

Dr Jin Russell — ʻoku malu fēfē ʻa e huhu malu’i ʻo e fānau?

Malu 'o e huhu malu'í

Malu 'o e huhu malu'í

ʻOku fatongia ʻaki ʻe he Medsafe hono fakamafai ke fakaʻaongaʻi ʻa e faitoʻo mo e ngaahi huhu malu’i kotoa pē ʻi Nuʻusila. ʻOku nau toki fakamafai’i pe ha huhu maluʻi ʻi he taimi pe ʻoku nau fiemālie ai kuo ne feau ha ngaahi tuʻunga moʻui pau ki he 'e ne malú, 'aongá mo e tuʻunga leleí.

Naʻe fakahaaʻi ʻe he ngaahi faingataʻa'ia ʻi he fānau taʻu 5 ki he 11 na'e huhu 'aki e huhu ma'a e longa'ifānaú ʻa e Pfizer naʻe malu ʻa e huhu maluʻi, pea naʻe faʻa angavaivai ʻa e ngaahi uesia koví. 

Ngaahi huhu malu’i COVID-19 ‘oku fakaʻaongaʻi ʻi Nuʻusila

Fekumi mo e fakamatala ki he huhu malu'i 'o e fānau taʻu 5 ki he 11 | Potungāue Moʻuí

Expand all
Ngaahi uesia kovi 'o e huhu malu'i COVID-19

ʻOku tatau pe ʻa e ngaahi uesia kovi ʻo e huhu maluʻi COVID-19 'oku hā mai 'i he toʻu tupú kiate kinautoluʻi he kakai lalahi. ʻOku faʻa angavaivai ʻa e ngaahi uesia kovi ko ʻení pea ʻoku totonu ke molea atu pe he ʻaho pe ʻe 1 pe 2.

Ngaahi uesia kovi angamaheni

Ko e ngaahi nunuʻa angamaheni taha ʻo e ngaahi uesia koví ko e:

  • mamahi e umá mei ho huhú—te ke lava ʻo ʻai ha konga tupenu momoko pe peketi ʻaisi ke ongoʻi lelei ange
  • langa ʻulu
  • ongoʻi helaʻia
  • ongoʻi ʻa e mofi pe pupuhaʻiá
  • tokakovi'ia
  • felāngaaki e uouá.

Hili e huhu maluʻí ʻe fiemaʻu ke nau nofo ai 'o 'ikai toe si'isi'i hifo ʻi ha miniti ʻe 15 koeʻuhí ke lava ʻe ha palofesinale 'o e mo'ui leleí ʻo tokangaʻi ha faʻahinga uesia kovi he taimi pe ko ia.

Maiokāitaitisi (Myocarditis) mo e pelikātaitisi (pericarditis)

Ko e maiokātaitisí ko ha pupula ia 'o e uoua 'o e mafú pea ko e pelikātaitisí ko e pupula ia 'o kakano kofu takai 'o e mafú. 'Oku ala fakatou fakatupu 'eni ha uesia 'ikai fu'u fakatu'utāmakí ki he fakatu'utāmaki 'aupitó. ʻOku faʻa fakatupunga kinautolu ʻe he 'ū vailasi, hangē ko e COVID-19, ka ʻoku toe hāhāmolofia foki ke hoko ko ha ngaahi nunuʻa ʻo e huhu maluʻi Pfizer, tautautefito ʻi he toʻu upu mo e kakai tangata kei talavou.

Neongo ia, naʻe ʻikai ʻiloʻi ha ola maiokātaitisi mo e pelikātaitisi ia ko ha ngaahi uesia kovi ʻo e huhu maluʻi 'o e Pfizer ʻi he kulupu 'o e taʻu 5 ki he 11 ʻi he ngaahi 'ahi'ahi fakafaito'ó — neongo ia, ʻoku mahuʻinga ke ʻiloʻi ʻa e ngaahi fakaʻilonga puke ki he toʻu kotoa pē ʻoku huhu maluʻi.

ʻOku faʻa fakafehokotaki ki he huhu maluʻi Pfizer ʻa e ngaahi fakaʻilonga puke ʻo e maiokātaitisí mo e pelikātaitisí ʻi loto ʻi ha ngaahi ʻaho siʻi, pea 'oku meimei ʻi he ngaahi ʻuluaki uike hili hono maʻu ʻo e huhu maluʻí. Kapau ʻe maʻu ʻe ha taha ʻa e ngaahi fakaʻilonga puke ko ʻení hili ʻa e huhu maluʻí, ʻoku totonu ké ke kumi tokoni fakafaitoʻo, tautautefito kapau 'oku 'ikai molea e ngaahi fakaʻilonga puke ko ʻení:

  • ongo'i e maha'iha'i, māfatukituki, taʻefiemālie pe mamahi ʻi he fatafatá pe kiá
  • 'oku faingataʻa e mānavá pe fakatau 'enau mānavá
  • ongoʻi vaivaia, ninimo pe ongo'i tētē e ʻulú
  • 'oku fetōkaki, tā vave pe matukituki e mafú, pe ʻoku nau ongoʻi ʻoku 'puna fakalaka 'a e tā'.

Kapau ʻe aʻusia ʻe he kiʻi leká pe fānau tutupu ha taha ʻa e ngaahi fakaʻilonga puke ko ʻení ʻi he ngaahi ʻaho pe uike hili ʻa e huhu maluʻí, ʻoku totonu ke nau sio ki ha toketā — he ʻikai ha toe totongi ia ki he talatala ko iá. Te ke lava foki ʻo telefoni ki he Healthline ʻi he 0800 358 5453 ʻi ha faʻahinga taimi pē ke maʻu ha faleʻi.

Kapau ʻoku ke fu'u hohaʻa 'aupito ki heʻenau moʻuí, telefoni ki he 111, pea ke manatu'i ke fakahā'i ange kiate kinautolu na'a ke ma'u e huhu maluʻi Pfizer COVID-19.

Ako lahi ange fekau’aki mo e ngaahi uesia kovi

Ako lahi ange fekau’aki mo e ngaahi uesia kovi

Kapau ʻoku ʻi ai ha kiʻi leka 'oku ke tauhi na'e huhu maluʻi 'i he huhu 'a e Pfizer 'o e longa'ifānaú, ʻe lava ke fakaafeʻi koe ʻaki ha fekau he mōpailé ke fakahā'i mai ha uesia kovi te nau a'usia ʻi he ngaahi ʻaho 'e muimui atú. ʻOku ui ʻeni ko ha Fakaʻilonga Tōmui ʻo e Huhu Maluʻí. ʻE maʻu ʻa e tohi fakaafe atu 'i ho mōpailé mei he Potungāue Moʻuí, pea ʻe kole atu ké ke tali 'IO', 'IKAI' pe 'TAʻOFI'. ʻOku taʻetotongi ʻa e ngaahi tali kotoa pe.

Kapau ʻokú ke fie kau ki ai, ʻe ʻoatu ha fehokotakiʻanga ki ha foomu ʻi he ʻinitanetí.

Founga hono lipooti e ngaahi ola uesia koví

Allergies and the COVID-19 vaccine

As with all medicines, there is a risk of an allergic response after this vaccine. This is why everyone is asked to wait for at least 15 minutes after being vaccinated

The Pfizer COVID-19 vaccine is safe for people with food allergies. Unlike some other vaccines, there is no food, gelatin or latex in the Pfizer vaccine, and it is not grown in eggs.

The only reason that someone may not be able to have this vaccine due to allergy is if they have had a severe allergic response (anaphylaxis) to a previous dose of the Pfizer vaccine or an ingredient in the vaccine.

If a child has a history of an immediate allergic reaction to other products, including food, medicines or other vaccines, they can still have this vaccine but are asked to stay a little longer (at least 30 minutes) for monitoring. Vaccinators are trained to recognise these symptoms and have the appropriate equipment to treat people on site.

Ko e founga ke talanoa ai ki he longa'ifānaú fekau'aki mo e huhu malu'í

Ko e founga ke talanoa ai ki he longa'ifānaú fekau'aki mo e huhu malu'í

Fakamatalaʻi ange ʻe ala mamahi ʻi ha kiʻi taimi nounou, ʻo hangē pē ko ʻenau huhu he kei siʻí. Talaange ʻe ʻi ai ha kiʻi hui siʻisiʻi pea te nau ongoʻi ha ki'i makohi masila pe mahuhu nounou kae ʻosi vave pe. 'E ala ke mamahi honau umá, mofi, langa ʻulu pe ongoʻi helaʻia hili iá.

ʻOku mahuʻinga ke talaange kiate kinautolu ʻa e ʻuhinga ʻoku huhu maluʻi ai kinautolú. ʻAi ke nau ʻiloʻi ʻe maluʻi kinautolu ʻe he huhu maluʻí mei he COVID-19, pea maluʻi honau familí, ʻenau ngaahi kuí, honau koló, mo e fānau kehe ʻi he akó ʻa ia ʻe ala tuʻu fakatuʻutāmaki ange mei he COVID-19 kapau 'e ma'u kinautolu.

Fakapapauʻi ʻoku nau ʻiloʻi te nau fiemaʻu ha huhu ʻe 2.

'i he 'aho ko iá

ʻOange ha taimi ke nau fehuʻi ai ki he tokotaha fakahoko 'a e huhú kapau 'oku 'i ai ha'anau fehu'i. ʻAi ha ngaahi vaʻinga pe meʻavaʻinga ke nau hanganoa ai lolotonga 'enau huhu malu'í pea ke nau fiefia ai 'i he miniti ʻe 15 'i he 'enau talitalí.

Fokotuʻutuʻu ha ʻekitivitī fakafiefia pe ha'a ne meʻa lelei ke hanganaki fiefia atu ki ai ʻi he ʻosi ʻa e ʻapoinimení.

'I he'ene lavá

Fakahā'i ange 'e ala lava ke nau kiʻi ongoʻi puke ʻaho ʻe taha pe ua, pea fokotuʻutuʻu ke tuku ha taimi lahi ange mo kinautolu kapau te ke lava.

Ko e meʻa ke ʻamanaki ki ai hili e huhu maluʻi hoʻo kiʻi leká [PDF, 260 KB]

Fakamatala'i 'o e huhu malu'í ki he longa'ifānaú

Fakamatala'i 'o e huhu malu'í ki he longa'ifānaú

 

Nanogirl: Ko hono fakamatala'i 'o e huhumalu'i COVID-19, ki he kauleká

ʻOku talanoa ʻa Dr Lily ki he longa'ifānaú fekauʻaki mo e ngaahu huhu malu'í

ʻOku talanoa ʻa Dr Lily ki he longa'ifānaú fekauʻaki mo e ngaahu huhu malu'í

Ko hono puka pe fekumi ki he feitu'u fai'anga huhu malu'i

Ko hono puka pe fekumi ki he feitu'u fai'anga huhu malu'i

Ko hono puka pe fekumi ki he feitu'u fai'anga huhu malu'i. Puka ʻi he ʻinitanetí pe ʻi he telefoní, pe ʻaʻahi ki ha senita hū ta’e’apoinimení pe huhu fakahoko ki ho'o loto me'alelé.

Puka ʻi he ʻinitanetí

Puka ‘Eku Huhu Maluʻí

Tomuʻa vakaiʻi ʻa e mape ʻo e ‘apoinimeni ‘oku ‘atā — ʻoku ne fakahaaʻi atu ʻa e feituʻu ʻoku ʻi ai e ngaahi feituʻu fai’anga huhu maluʻi, pea mo e vave taha haʻo maʻu ha taimi ‘aponimeni. Te ke lava ʻo fili ʻa e huhu maluʻi ʻo e fānaú (5 ki he 11) pe huhu maluʻi ʻa e kakai lalahí (12+) mei he dropdown menu (me’afili ‘oku tukuhifo ki lalo).

Mape ʻo e ‘apoinimení ‘oku ‘atā | Puka ‘Eku Huhu Maluʻí

Kapau ʻokú ke fiemaʻu tokoni

Kapau ʻoku ʻi ai haʻo palopalema ki hono puka pe fiemaʻu ke liliu hoʻo fakaikiikí, ʻīmeili booking@vaccine.covid19.health.nz

Puka ʻi he telefoni

0800 28 29 26

ʻOku ta’etotongi ke puka ʻi he telefoní, pea ʻatā ʻa e timí mei he 8am ki he 8pm, 'i he ʻaho ʻe 7 he uike.

Te ke lava ʻo kole ha tokotaha fakatonulea kapau te ke fiemaʻu.

'Oku lelei ia ke maau e fika NHI hoʻo fānaú (Fakahokohoko Fakamotuʻalea ʻo e Moʻui Lelei Fakafonuá). Te ne fakavave'i ange ai ʻa e founga puká.

Ngaahi senitā hū ta'e'apoinimeni pe huhu malu'i ki he loto me'alelé

ʻOku lahi ha ngaahi feituʻu ʻi Nuʻusila ni te ke lava ʻo maʻu ai ha huhu maluʻi COVID-19 taʻe ʻi ai ha ʻapoinimeni.

'Oku 'ikai ke fakahoko ʻe he ngaahi feituʻu huhu maluʻi COVID-19 kotoa pe e ngaahi huhu malu'i ki he fānau taʻu 5 ki he 11.

Kumi ha senitā huhu maluʻi ofi atu kiate koe

Ko e ngaahi founga kehe ki hono huhu malu'i 'o e longa'ifānaú
Expand all
Fakahoko ha puka fakakulupu
  • ʻInitanetí — Fili ha kilīniki ʻoku lahi hono taimi ‘atā ke pukaʻi e taimi ʻoku ke fiemaʻu ke fakahoko ai ho huhu malu’í. Tōmuʻa puka koe.
  • ʻI he telefoní — Telefoni ki he Laine e Potungāuemo’uí ki he Huhu Malu’i Covid (COVID Vaccination Healthline) ’i he 0800 28 29 26 (8am ki he 8pm, ʻaho ʻe 7 he uike).
ʻAʻahi ki hoʻo toketā pe fale talavaí

ʻE lava foki ke fai ʻe hoʻo toketā fakalotofonuá, hauora pe fale talaví ha ngaahi huhu maluʻi COVID-19. Fekumi ki ai, 'i ha'o telefoni fakahangatonu kiate kinautolu pe ‘a'ahi ki he uepisaiti 'o e Healthpoint.

Ngaahi huhu maluʻi COVID-19 | Healthpoint

Huhu maluʻi ʻi ʻapí

Ka ʻi ai ha taha ʻoku faingataʻa ‘enau mavahe mei honau ʻapí, ʻe lava ke fakahoko honau huhu maluʻí ʻi ʻapi.

Talanoa ki hoʻo toketā pe telefoni ki he Laine e Potungāuemo’uí ki he Huhu Malu’i Covid (COVID Vaccination Healthline) ʻi he 0800 28 29 26 ke aleaʻi pe ko e hā e ngaahi fili te ne feau lelei taha hoʻo ngaahi fiemaʻú.

Huhu maluʻi maʻa e longa’ifānau taʻu 5 ki he 11
Ngaahi huhu malu’i COVID-19 ‘oku fakaʻaongaʻi ʻi Nuʻusila

Ko e Pfizer ʻa e huhu maluʻi COVID-19 angamaheni ʻoku fakaʻaongaʻi ʻi Nuʻusilá. ʻOku toe ʻatā foki ʻa e huhu maluʻi Novavax COVID-19 maʻa e kakai taʻu 18 mo motuʻa ange.

Pfizer

Pfizer

Ko e tefitoʻi huhu maluʻi COVID-19 ʻoku tau ngāue’aki ʻi Nuʻusilá ʻoku ngaohi ia ʻe he Pfizer-BioNTech. ʻOku toe ʻiloa foki 'aki ia ʻi hono hingoa, Comirnaty.

Ko ha huhu maluʻi fakatefito-mRNA (messenger ribonucleic acid).

ʻOku ke fiemaʻu ha huhu ʻe 2. Ko e vāmamaʻo angamaheni ʻi he vahaʻa ʻo e huhú ko ha uike ʻe 3 pe lahi ange.

Ki he longa’ifānau taʻu 5 ki he 11, ko e vāmamaʻo ‘o e ‘ū huhu ʻoku fokotuʻu atú ko ha uike ʻe 8 pe lahi ange.

ʻOku ʻikai totonu ké ke maʻu ʻa e huhu maluʻi Pfizer kapau kuo ke maʻu ha kaunga kovi 'aupito ki he huhu maluʻi ko ʻení pe ko hono ngaahi meʻa ngaohí.

Founga ngāue ʻa e Huhu maluʻi Pfizer | Potungāue Moʻuí

AstraZeneca

AstraZeneca

ʻOku ʻikai toe ‘atā ʻa e huhu maluʻi AstraZeneca ʻi Nuʻusila ni.

Novavax

Novavax

ʻOku lava ke maʻu ʻa e huhu maluʻi Novavax (Nuvaxovid) COVID-19 'e ha taha taʻu 18 pe lahi ange pea ʻoku ne fiemaʻu ha fili huhu maluʻi COVID-19 kehe.

Ko ha huhu maluʻi ia ʻoku fa'unga-polotini.

ʻOku ke fiemaʻu ha huhu ʻe 2. Ko e vāmamaʻo angamaheni ʻi he vahaʻa ʻo e ‘ū huhú ko ha uike ʻe 3.

ʻOku lava ke maʻu ʻa e Novavax ko ha huhu malu'i fakalahi 'o 'ikai toe si'isi'i hifo he māhina ʻe 6 hili hono fakakakato ʻo e tefitoʻi kalasi ʻi ha faʻahinga huhu maluʻi ʻe COVID-19 ʻoku fakaʻaongaʻi ʻi Nuʻusila ni.

Ngaahi huhu malu'i COVID-19: Ko hono ma'u 'o e Novavax | Potungāue Mo'uí

Ko e founga 'oku fakamafai'i 'aki ke ngaue 'aki 'a e huhu malu'i 'i Nu'usila

Ko e founga 'oku fakamafai'i 'aki ke ngaue 'aki 'a e huhu malu'i 'i Nu'usila

Ko e Medsafe ko e mafai maluʻi ia 'o e ngaahi faito'o ʻo Nuʻusila. ʻOku ne vakai'i ʻa e ngaahi tohi kole ki he faitoʻo foʻou kotoa pe, kau ai ʻa e ngaahi huhumalu'i, ke fakapapauʻi ʻoku nau feau ʻa e ngaahi tuʻunga moʻui fakavahaʻapuleʻanga mo e ngaahi tu'utu'uni fakalotofonua.

Te ne toki fookotu'u mai pe ha faitoʻo ke fakaʻaongaʻi ʻi Nuʻusila ni kapau ʻe fakakakato e ngaahi makatuʻunga ko ʻeni.

Founga ʻoku siviʻi 'aki ʻa e ngaahi huhu malu'i COVID-19 | Potugāue Moʻuí

Ngaahi uesia kovi 'o e huhu malu'i

Ngaahi uesia kovi 'o e huhu malu'i

Hangē ko e faitoʻo kotoa pē, mahalo te ke aʻusia ha ngaahi uesia kovi vaivai ʻi he taimi ʻoku ke maʻu ai ha huhu maluʻi COVID-19. ʻOku fa’a hoko pē ʻeni, pea ko ha fakaʻilonga ia ʻoku ngāue 'a ho'o sinó ke fuhu’i ʻa e vailasí.

Ngaahi uesia kovi ʻo e huhu malu’i COVID-19

Fakamatala lahi ange

Fakamatala lahi ange

Ngaahi moʻoniʻi meʻa ‘o e Huhu Maluʻi 'i Nu'usila

Ngaahi ʻahiʻahi fakakilīniki ‘o e huhu malu’i COVID-19 | Potugāue Moʻuí

Ngaahi huhu malu’i COVID-19 ‘oku fakaʻaongaʻi ʻi Nuʻusila
Founga talanoa mo ho ngaahi kaungāmeʻa mo e fāmilí 'o fekauʻaki mo e huhu maluʻi COVID-19

Founga ke fakahoko ai ha fepotalanoaʻaki lelei mo fakaʻapaʻapa ʻi he taimi ʻoku manavasiʻi pe hohaʻa ai ha taha ʻoku ke tokanga ki ai fekauʻaki mo e huhu maluʻi COVID-19.

Ngaahi poini ke talanoa'i

ʻE lava pe ke faingataʻa ke ʻilo ʻa e meʻa ke fai pe lea ʻaki ʻi he taimi ʻoku fakahaaʻi ai ʻe ha taha ʻoku ke tokanga ki ai ʻa e manavasiʻi pe hohaʻa fekauʻaki mo hono maʻu ʻo e huhu maluʻi COVID-19. Ko ha ngaahi poini ʻeni ʻe niʻihi fekauʻaki mo e founga ke fakahoko ai ʻa e fetalanoaʻaki ʻi ha founga lelei mo fakaʻapaʻapa.

Expand all
1. Mahnino'i ko hono fakahoko 'o e huhu malu'i ko e fili faktāutaha pe ia

ʻOku sai pē ke ʻi ai ha ngaahi fehuʻi.

2. Fili ha taimi totonu mo e 'ātakai totonu ke fakahoko ai ha talanoa

Fakapapauʻi ʻoku mo fakatou fiemālie, ʻatā mei he fakahohaʻasi pea ʻikai fiemaʻu ke fakavavevave ki ha feitu'u.

3. Faka'apa'apa ma'u pē mo anga mokomoko 'i ho 'ulungānga mo ho'o lea

ʻOku tonu mo moʻoni e ngaahi meʻa ʻoku nau hohaʻa ki ai e kakaí kiate kinautolu. Loto tauʻatāina, fakaʻapaʻapa, pea fieʻilo moʻoni mo'oni ki he ngaahi ʻuhinga ʻoku nau ongoʻi pehē aí.

ʻOua naʻa ngalo ʻe lava foki ke takiekina ʻe he anga fakafonua ʻo ha taha, ngaahi tukunga mo e tukunga fakafāmilí 'a ʻenau fakakaukau.

'E ala ke fōtunga pehe ni

"ʻEi, ko ha taimi lelei ʻeni ke talanoa ai mo koe fekauʻaki mo hono huhu maluʻi koe? ʻOku ou loto moʻoni ké ke maʻu ʻa e maluʻi lelei taha mei he COVID-19, ka ʻoku ou ʻilo ʻoku ʻi ai ha ngaahi meʻa ʻoku ke hohaʻa ki ai. ʻOku ou fie ʻilo ʻaupito, te ke lava nai ʻo fakamatalaʻi e meʻa ʻoku ne kei taʻofi ai koe?"

4. Feinga ke 'oua te ke fakafekiki pe loto mamahi

ʻE lava ʻe he fakakikih  ʻo taʻofi ha fepotalanoaʻaki. ʻOua naʻá ke feinga ke "ikuna" ʻa e fepōtalanoaʻakí, kae fakafanongo ke mahino, kae ʻoua ʻe tali.

'E ala ke fōtunga pehe ni

ʻOku mahuʻinga ʻa e ngaahi foʻi leá – fakaʻaongaʻi ʻo e foʻi lea ko e "ka" ʻe lava ke ne fakatupu ha tali ʻoku ʻikai lelei, ka ke feinga 'aki e "pea pehē foki ..." pe "ʻi he taimi tatau pe, ʻe lava pe ke...", "ko ha founga kehe ia ke vakai ki ai e ala lava ke ..."

ʻOku mahuʻinga e ngaahi to'onga – ko e fakahohaʻasi, hiki hake ho leʻó pe teka'i ho ongo fo'imatá ʻo hangē ha'o fakamāú'i pea 'e lava ai ke taʻofi ʻa e fepōtalanoaʻakí. ʻOua naʻá ke feinga ke lea 'i he taimi fakalongolongo ʻo kapau ʻoku kiʻi mālōlō, he ʻoku lava heni ha taimi ke fakakaukau ai mo fakahaaʻi ai ʻa e fakaʻapaʻapá.

5. 'Eke ha ngaahi fehu'i 'e lava 'o mai ha tali 'oku lahi

Fai ha ngaahi fehuʻi tauʻatāina ke tokoni ke mahino ʻa e ngaahi meʻa ʻoku nau hohaʻa ki aí. ʻI he taimi ʻe mahino ai kiate koe ʻa e ngaahi meʻa ʻoku nau hohaʻa ki aí, te ke lava leva ʻo vahevahe ha fakamatala ke tokoni ʻi hono fakamatalaʻi e ngaahi meʻa ʻoku nau hohaʻa ki aí pe mahino ʻa e ʻuhinga ʻe ala hoko ai e ngaahi meʻa kuo nau fanongo ki aí ko ha fakamatala ta'emo'oni.

'E ala ke fōtunga pehe ni

"Ko e hā kuo ke fanongo ai fekauʻaki mo e huhu maluʻi COVID-19?", pe "ko e ha ʻoku ke ongoʻi pehe ai?".

6. Vahevahe e ngaahi ma'unga fakamatala falala'anga

Fokotuʻu ange ke nau talanoa ki heʻenau toketā pe ko ha palofesinale moʻui lelei kehe ʻoku falalaʻanga ke maʻu ha tali ki heʻenau ngaahi fehuʻi.

Tangutu fakataha mo kinautolu ke vakai ki he ngaahi maʻuʻanga tokoni falalaʻanga hangē ko e ngaahi uepisaiti Unite against COVID-19 mo e Ministry of Health. Te ke maʻu ha fakamatala falalaʻanga fekauʻaki mo e ngaahi meʻa hangē ko e huhu maluʻi, malu mo e ola lelei. Kapau ʻe feʻunga, kole ke tokoniʻi kinautolu ke nau kumi ha fakamatala.

ʻOua naʻá ke loto-foʻi kapau he ʻikai ké ke lava ʻo fakaleleiʻi ʻa e fepōtalanoaʻakí 'i he fuofua taimí. Mahalo ʻe fiemaʻu ke hokohoko atu pē hoʻomo fetalanoaʻakí ki ha vaha'a taimi. He ʻikai ke ke lava ʻo liliu ʻenau fakakaukaú, ko kinautolu pē te nau lava – ke angaʻofa, anga fakaʻapaʻapa, fie tokoni, faʻu ha ngaahi faingamālie ke nau maʻu ai ha fakamatala ʻoku falalaʻangá – mahalo ko e ueʻi pē ia ʻoku fiemaʻú.

Founga talanoa mo ho ngaahi kaungāmeʻa mo e fāmilí 'o fekauʻaki mo e huhu maluʻi COVID-19
Ngaahi huhu maluʻi maʻa e kakai faingataʻaʻia fakaesino

ʻOku ʻi he konga ko ʻení ha fakamatala fekauʻaki mo e huhu maluʻi COVID-19 maʻa e kakai faingataʻaʻia fakaesinó.

Ko e fakamuimui taha ki he huhu malu'i COVID-19

Huhu malu'i ki he longa'ifānau mo e fānau tupú

ʻE lava ke maʻu ʻe he tokotaha kotoa pe ʻi Nuʻusila 'oku taʻu 5 'o fāi hake ha huhu maluʻi COVID-19 taʻetotongi ʻi he taimi ni. ʻE lava ke huhu maluʻi ʻa e longa'ifānau mo e toʻutupu ʻoku faingataʻaʻia fakaesinó ʻi ha ngaahi feituʻu fakafaingofua'i kia kinautolu mo 'enau fāmilí.

Ako lahi ange ki he ngaahi huhu maluʻi maʻa e longa'ifānaú

Ngaahi huhu malu’i fakalahi

Kapau ʻoku ke taʻu 18 mo motuʻa ange, pea ko e mahina ʻeni ʻe 3 talu mei hoʻo huhu fakaʻosí, te ke lava ʻo puka hoʻo huhu malu'i fakalahí he taimi ni.

ʻE lava ke maʻu ʻe he toʻu tupu taʻu 16 mo e 17 ha huhu malu'i fakalahi Pfizer ta'etotongi ʻi ha mahina ʻe 6 hili hono fakakakato ʻenau 'ū huhu tefito.

Ako lahi ange ki he ngaahi huhu malu'i fakalahí

Talanoa ki ha tokotaha fale'i taukei

Talanoa ki ha tokotaha fale'i taukei

Kapau ʻoku ke hohaʻa ki he maʻu e huhu maluʻí, te ke lava ʻo talanoa ki ha tokotaha fale'i ʻi he timi Healthline ki he kau faingataʻaʻia fakaesino. ʻOku faʻu ʻa e timi ni ʻaki ha kakai kuo nau aʻusia ha faingataʻaʻia fakaesino, pe kuo nau ngāue mo ha komiunitī faingataʻaʻia fakaesino.

Te nau poupouʻi koe, hoʻo fāmilí pe ko ha taha ʻokú ke tokangaʻi mo tali haʻo faʻahinga fehuʻi pē fekauʻaki mo ia:

  • ko hono ma'u ha ngaahi fokotuʻutuʻu ke fakafaingofua'i e a'utaki ki aimo he ngaahi tokoni ki he fefonongaʻakí ma'a kinautolu ʻi he ngaahi senitā huhu maluʻi kehekehe
  • ko e malu ho’o maʻu ho huhu maluʻi
  • ngaahi huhu maluʻi 'i ʻapí
  • ha faʻahinga uesia kovi pē ʻo e huhu maluʻí kiate koe pe ko hoʻo ngaahi faitoʻó.

ʻOku lava ke maʻu ʻa e timi faingataʻaʻia fakaesinó ʻi he Monite ki he Falaite, mei he 8am ki he 8pm.

 

Ngaahi fiema'u ki he liliu 'o e huhu malu'í

Ngaahi fiema'u ki he huhu malu'i 'o e kaungāué

ʻE ngata ʻa e tu'utu'uni'i 'o e huhu maluʻi fakapuleʻanga ki he kau ngaue ki he moʻui lelei mo e faingataʻaʻia fakaesinó ʻi he 11:59pm, 26 Sepitema 2022. ʻE kei fiemaʻu pe ʻe ha kau pulengāue ʻe niʻihi ke kei huhu malu’i ha kau ngāue koeʻuhi ko e moʻui leleí mo e malú.

Fefonongaʻaki fakavahaʻapuleʻangá

ʻOku ʻikai fiemaʻu ʻe kau fefolau'akí ha fakamoʻoni ʻo e huhu maluʻi COVID-19 ke tū'uta 'aki ki Nuʻusila. Kātaki ʻo vakaiʻi ki hoʻo kautaha vakapuná na'a nau kei fiemaʻu pe ha fakamoʻoni ʻo e huhu maluʻí.

My Vaccine Pass ('Eku Paasi Huhu Malu'i)

ʻOku ʻikai ke toe fiemaʻu fakalao ʻa hono fakaʻaongaʻi e My Vaccine Pass ('Eku Paasi Huhu Malu'i), ka ʻe ʻi ai pē ha ngaahi pisinisi, ngaahi kātoanga pe feitu’u fai’anga me’a/kātoanga te nau kei fakaʻaongaʻi pē ia. ʻOku ʻuhinga ʻeni ʻe ala kole atu ké ke fakahā’i ho’o My Vaccine Pass ('Eku Paasi Huhu Malu'i). Te ke kei lava pe ʻo maʻu ha tokoni mahuʻinga neongo 'okapau ʻoku ʻikai ke ʻi ai haʻo My Vaccine Pass ('Eku Paasi Huhu Malu'i).

Fakamoʻoniʻi ʻo e tuʻunga ʻo e huhu maluʻí

Feitu'u ke fakahoko ai ho'o huhu malu'í

Feitu'u ke fakahoko ai ho'o huhu malu'í

Kapau kuo ke fakakaukau ʻoku ke fiemaʻu ʻa e huhu maluʻi, ʻoku faingofua ke huhu maluʻi koe.

Te ke lava ʻo maʻu ho huhu maluʻi ʻi he:

  • feitu'u 'oku malava ké ke ma'u ai
  • hoʻo toketā pe fale talavai fakafeitu'u
  • ha toe senitā huhu maluʻi ofi atu kiate koe.

Te ke lava foki ʻo talanoa ki ai, text pe ʻimeili ki ha taha fale'i taukei kuo ke aleaʻi pe ʻoku tonu e huhu maluʻi ʻi ʻapi kiate koe.

ʻOku ʻi ai ha ngaahi senitā huhu maluʻi ʻe niʻihi ʻoku maʻu kakato ai. ʻOku talitali lelei foki mo ho fāmilí, kau ngāue whānau mo e kau ngāue tokoní ke maʻu ʻenau ngaahi huhu maluʻí mo koe.

Mape ʻo e ngaahi senitā huhu maluʻi ʻAotealoa Nuʻusila | karawhiua.nz

Puka ho'o huhu malu'i COVID-19

Puka ho'o huhu malu'i COVID-19

Te ke lava ʻo puka ho huhu maluʻi ʻaki haʻo:

  • tā ki he COVID Healthline ʻi he 0800 28 29 26 pea lomi'i ʻa e '2' ke talanoa ki he timi faingataʻaʻia fakaesino. ʻOku ʻatā ʻa e COVID Healthline mei he 8am ki he 8pm, Monite ki he Falaite.
  • ʻo fakaʻaongaʻi ʻa e fili text taʻetotongi ʻi he 8988.
  • ʻīmeili accessiblecovidvaccinations@whakarongorau.nz
  • fakaʻaongaʻi e Puka ‘Eku Huhu Maluʻí. ʻOku lava ke maʻu atu ʻa e uepisaití pea ʻe lava ke fakaʻaongaʻi ia ʻaki ha me'a lau 'o e screen.

ʻE lava foki ke tokoni atu ʻa e timi faingataʻaʻia fakaesino ké ke puka ha 'apoinimeni ki hoʻo fānaú ʻi ha uepisaiti faungofua hono ngāue'aki.

Teuteu ki ho'o huhu malu'í

Teuteu ki ho'o huhu malu'í

Te ke lava ʻo ʻave ha tokotaha tokoni ʻi he taimi ʻoku ke maʻu ai ho huhu maluʻi. ʻE lava ke hoko ʻeni ko ha meʻa tauhi, pe ko ha taha kehe ʻoku ke falala ki ai.

ʻI hoʻo aʻu ki he uepisaiti ʻo e huhu maluʻi, ʻe fiemaʻu ké ke hū ki loto. Kapau ʻokú ke fiemaʻu ha taha fakatonulea NZSL pe fakamatala ʻi ha founga ʻoku lava ke lau, kātaki ʻo fehuʻi ange.

'I he a'usia ko ia e taimi ke fakahoko ho'o huhu malu'i, 'e 'eke atu kiate koe 'e he taha faifatongiá pe 'oku sai pe ke ne fakahoko ho'o huhu malu'i. 'Okapau te ke 'io, 'oku ui eni koe fakangofua. 'Okapau 'oku 'ikai ké ke lava o fakangofua, 'e lava 'e ha tokotaha 'oku 'osi fakamafai ke ne fakahoko e ngaahi tu'utu'uni aofangatuku ma'au ke ne fakangofua'i ma'au.

ʻE lava foki ke ʻeke atu ʻe he tokotaha fakahoko 'o e huhú ha ngaahi fehuʻi pe 'oku ke ongo'i fēfē, pea mo e faitoʻo ʻoku ke ngāue'akí.

ʻOku angamaheni pe ke ongoʻi ilifia pe hohaʻa. ʻEke ki he tokotaha fakahoko e huhú kapau ʻoku ʻi ai haʻo ngaahi fehuʻi.

ʻE fiemaʻu ké ke tatali ʻi ha miniti ʻe 15 hili ho huhu maluʻi. Kapau ʻoku faingataʻa ʻeni kiate koe, fehuʻi ange pe te ke lava ʻo tatali ʻi ha feituʻu kehe.

Fakahoko ha tu'utu'uni aofangatuku ki he huhu malu'i

Fakahoko ha tu'utu'uni aofangatuku ki he huhu malu'i

Te ke lava ʻo fili ke maʻu e huhu maluʻi. Te ke lava ʻo tali ʻio pe ʻikai, pe kole tokoni ʻi hono fai hoʻo filí.

Ki he kakai faingataʻaʻia fakaesino pe kakai ʻoku 'i ai ha vaivai'anga, ʻe kiʻi kehe ʻa e fononga ke huhu maluʻí kinautolu.

Fakamatala mo e fale'i

Maʻá e kakai ʻoku faingataʻaʻia fakaesinó pe 'i ai ha vaivai'anga:

Kapau ʻoku ke poupouʻi ha taha ʻoku faingataʻaʻia fakaesino ke fai ha fili, ʻe toe lava foki ke tokoni ke lau ʻemau faleʻi fekauʻaki mo e huhu maluʻi:

Ko e founga ke talanoa 'aki ki he ngaahi kaungameʻá mo e fāmilí fekauʻaki mo e huhu maluʻi COVID-19

Ngaahi huhu maluʻi maʻa e kakai faingataʻaʻia fakaesino
Faleʻi ki he huhu maluʻi kapau ʻoku ke feitama pe fakahuhu

Ako fekauʻaki mo hono maʻu ʻo e huhu maluʻi COVID-19 kapau ʻoku ke feitama, fakahuhu pe feinga ke feitama pe fanafanau.

Kapau ʻokú ké ke feitama

Kapau ʻokú ké ke feitama

Te ke lava ʻo maʻu ʻa e huhu maluʻi Pfizer ʻi ha faʻahinga tuʻunga pe ʻo hoʻo feitama.

ʻOku maluʻi koe ʻe he huhu maluʻi ke siʻisiʻi ange hoʻo puke lahi, pea te ne lava foki ʻo maluʻi hoʻo pepē. Kuo fakamoʻoni 'oku lava ke maʻu ʻe he fanga kiʻi pepē ha maluʻi fakafou honau tiupi fafangá.

Kapau te ke maʻu ʻa e COVID-19 ʻi he taimi ʻoku ke feitama ai, ʻoku ngalingali te ke puke ʻaupito.

ʻOku ʻikai ha fakamoʻoni ia ʻoku fekauʻaki ʻa e huhu maluʻi mo ha tupulaki 'o e fakatuʻutāmaki lahi ange ʻo e tamatō lolotonga e feitamá. Kuo teʻeki ai ha toe hohaʻa ange ki he malú kuo ʻohake.

ʻOku ʻikai ke ʻi he huhu maluʻi Pfizer ha vailasi moʻui pe ha faʻahinga meʻa ngaohi ʻoku fakatuʻutāmaki ki he kakai ʻoku feitamá pe ko ʻenau fanga kiʻi pepē.

Fekumi mo e fakamatala fekauʻaki mo e feitamá mo e huhu maluʻi | health.govt.nz

Huhu maluʻi Novavax

ʻOku ʻikai feʻunga ʻa e fakamatala ki hono fakaʻaongaʻi ʻo e Novavax ʻi he kakai ʻoku feitamá, ko ia ʻoku kei hoko pe ʻa Pfizer ko e fili ke huhu maluʻi maʻa e kulupu ko ʻeni.

Huhu malu’i fakalahi

ʻOku fokotuʻu atu ke maʻu ʻe he kakai feitamá ha huhu ʻo e huhu malu'i Pfizer ke tokoni ʻi hono maluʻi kinautolu mo ʻenau pepē mei he ngaahi uesia kovi ʻo e COVID-19. ʻE lava ke fai e huhu malu'i fakalahí ʻi ha faʻahinga tuʻunga pe ʻo e feitamá.

Kapau ʻoku ke taʻu 18 pe lahi ange, te ke malava ʻo ma'u ho huhu malu'i fakalahí 'o 'ikai toe siʻi hifo he māhina ʻe 3 hili hoʻo huhu tefitó (ki he tokolahi taha ʻo e kakaí, ko e huhu ʻeni ʻe 2). Kapau ʻoku ke taʻu 16 pe 17, te ke lava ʻo maʻu ha huhu malu'i fakalahi Pfizer ʻoku ʻikai toe siʻi hifo he mahina ʻe 6 hili hono fakakakato hoʻo kalasi huhu tefito.

ʻOku totonu ke mou talanoaʻi ʻa e taimi ʻo hoʻomou huhu malu'i fakalahi mo hoʻomou maʻuli, mataotao faifā'ele mo e taha mataotao 'o e fā'ele pe toketā.

Fakahoko hoʻo huhu maluʻi fakalahi

‘Ū ‘Vitiō

Ko Sarah, 'oku uike 25 'e ne feitamá, pea 'oku 'ikai ke ne fakapapau'i pe 'e huhu malu'i

Ko e Toketā Nikki fekau'aki mo e feitamá, COVID-19, mo e huhu maluʻi

Kapau 'oku ke lolotonga fakahuhu

Kapau 'oku ke lolotonga fakahuhu

Kapau ʻoku ke lolotonga fakahuhu, te ke lava ʻo maʻu ʻa e huhu maluʻi Pfizer ʻi ha faʻahinga taimi pe.

ʻOku fakahaaʻi ʻe he ngaahi akó ʻoku ʻikai ha toe hohaʻa pe palopalema makehe ki he malu ʻo e hokohoko atu hono fakahuhú hili e huhu maluʻi.

Kapau ʻoku huhu maluʻi koe mei he COVID-19, ʻoku ʻi ai ha fakamoʻoni te ne lava ʻo ʻomi ha maluʻi lahi ange maʻa hoʻo pepē ʻo fakafou ʻi maluʻi o ho'o huhu'ahuhú.

Fekumi mo e fakamatala fekauʻaki mo fakahuhú mo e huhu maluʻi | health.govt.nz

'Okapau 'oku ke feinga ké ke feitama pe fanafanau

'Okapau 'oku ke feinga ké ke feitama pe fanafanau

Kapau ʻoku ke palani ké ke feitama, te ke lava ʻo maʻu ʻa e huhu maluʻi Pfizer ʻi ha faʻahinga taimi pe. He ʻikai ke ne uesia hoʻo tu'unga fa'ú pe malava 'o fanafanaú.

Ko e huhu maluʻi COVID-19 mo e malava 'o fanafanaú | covid.immune.org.nz

Fakamatala lahi ange

Fakamatala lahi ange

Fakamatala lahi ange [PDF, 362 KB]

Ngaahi uesia kovi

Faleʻi ki he huhu maluʻi kapau ʻoku ke feitama pe fakahuhu
Faleʻi ki he huhu maluʻi kapau ʻoku ʻi ai haʻo mahaki tauhi

Faleʻi ki he huhu maluʻi kapau ʻoku ʻi ai haʻo mahaki tauhi

Fakamatala fekauʻaki mo hono maʻu ʻo e huhu maluʻi COVID-19 kapau ʻoku ʻi ai haʻo mahaki tauhi pe lolotonga ngāue 'aki ha faito'o.

'Okapau 'oku 'i ai ha'o mahaki tauhi

'Okapau 'oku 'i ai ha'o mahaki tauhi

ʻOku malu ké ke maʻu ʻa e huhu maluʻi COVID-19.

Naʻe kau atu ha ngaahi matakali kehekehe, taʻu motuʻa, fefine/tangata mo e kinautolu mo e ngaahi mahaki tauhí ki hono ʻahiʻahi’i fakakilīniki ‘o e huhu malu’i COVID-19.

ʻOku mau tapou atu ké ke maʻu e huhu maluʻí kapau ʻoku ke fe’ao mo e:

  • mahaki’ia e halanga manavá, kau ai ʻa e mahaki’ia ʻo e maʻamaʻá mo e mahaki hela lahi
  • ko ha mahaki mafu kovi ange
  • tuʻunga uesia ʻa e me’amalu’i ‘o ho sino
  • toto ma’olunga (ma’olunga e pamu ‘o e totō)
  • suka
  • mahaki tauhi ʻo e kofuuá
  • mahaki ʻate
  • pā-kālava
  • kanisā.

Kapau ʻoku ʻi ai ha meʻa ʻokú ke hohaʻa ki ai, talanoa ki hoʻo toketā.

Expand all
'Okpau 'oku ke kanisā

Kapau ʻoku ke kanisā, ʻoku ke ʻi ha tuʻu lavea ngofua ange ke puke lahi mei he COVID-19.

Kapau ʻoku ke lolotonga maʻu ha faitoʻo ki he kanisā, te ke lava ʻo maʻu ha huhu maluʻi COVID-19. 'Oku 'ikai ke 'i ai ha fa'ahinga fakamo'oni 'oku kaungakovi ki he faito'o kanisā. Fakatefito mei ho faito'o, te ke ala lava 'o taimi'i ho'o huhu malu'i 'i he vaha'a 'o ho'o faito'ó mo e lelei taha 'a e malu'i 'i ho'o sinó. Te ke lava ʻo talanoaʻi ʻa e taimi ʻo hoʻo huhu maluʻí mo hoʻo toketā pe mataotao sipealisí.

Ko ha faʻahinga uesia kovi ʻoku ke aʻusiá 'oku faitatau ki he toenga 'o e kakaí fakalukufua. ʻOku ʻikai ha fakamoʻoni ‘e toe kovi ange kapau ʻoku ke ma’u e kanisā.

Kapau kuo ke maʻu e kanisā pea ʻosi hoʻo faitoʻó, ʻoku totonu ké ke maʻu e huhu maluʻi ʻi he taimi te ke lava aí. Kapau ʻoku ʻi ai ha meʻa ʻokú ke hohaʻa ki ai, te ke lava ʻo talanoa mo hoʻo toketā.

'Okapau 'oku ke ma'u 'a e HIV

Kapau ʻoku ke maʻu ʻa e HIV, ʻoku ke ʻi ha tuʻu lavea ngofua ange ‘i he puke lahi mei he COVID-19.

Naʻe kau ʻi he ngaahi ʻahiʻahi’i fakakilīniki ‘a e huhu malu’i Pfizer ʻa e kakai mo’ua he HIV. ʻOku fakahaaʻi mai ʻa e fakamoʻoni pau ʻoku malu ʻa e huhu malu’i COVID-19 ki he kakai ʻoku nau fe’ao mo e HIV.

Makatuʻunga ʻi he meʻa ʻoku tau ʻilo fekauʻaki mo e kakai ʻoku fe’ao mo e HIV mo ʻenau malava ‘o tali e huhu malu'i kehe:

  • ‘oku ala lava ke vaivai ange ho’o matatali ‘o ha ngaahi huhu malu’i ʻe niʻihi, kau ai ʻa e huhu maluʻi COVID-19
  • kapau ʻoku si’isi’i e lahi ‘o e vailasi ‘i ho sinó ʻoku ngalingali te ke maʻu ha maluʻi mei he huhu maluʻi COVID-19.

Kapau na’e toki fakahā’i atu ‘oku ke mo’ua ‘i he HIV pea toki kamata ho’o faitoʻó, talanoa ki ho toketā mataotao fekauʻaki mo e taimi ʻo ho huhu maluʻi.

ʻOku ʻikai ke faka’uto’uta atu ke liliu ʻe ha faʻahinga faitoʻo ʻoku ke ngāue’aki ki he HIV ʻa e ola lelei ʻo e huhu maluʻi COVID-19. He ʻikai uesia kovi ʻe he huhu maluʻi hoʻo faitoʻo HIV.

Kapau ʻoku vaivai e me’a malu’i ho sinó (immunocompromised)

Kapau ʻoku vaivai e me’a malu’i ho sinó (immunocompromised)

Kapau ʻoku vaivai e me’a malu’i ho sinó, ʻoku ke ʻi ha tuʻu lavea ngofua ange ki he puke lahi mei COVID-19.

‘E malava ké ke ma’u ‘a e huhu malu’i COVID-19 ‘i he taimi ‘oku ke ma’u ai e faito’o pe therapy ‘oku ne uesia e me’a maluʻi ho sinó. Hangē ko e huhu malu'i kotoa pe, mahalo he ʻikai te ke tali lelei ange ʻo hangē ko ha taha ʻoku ʻi ai haʻane me'a maluʻi kakato. Ka ʻe malava he huhu maluʻi ʻo maluʻi koe mei haʻo puke ʻaupito kapau te ke puke he COVID-19.

Ko e taimi lelei taha ke huhu maluʻi ai koé e taimi kimuʻa ʻi ha faʻahinga faito'o kuo palani 'e ala fakavaivai'i ai e me'a malu'i ho sino, kae ʻoua naʻa toloi ha faʻahinga faitoʻo.

Kapau ʻoku ke vaivai lahi ho me'a malu'i, talanoa mo hoʻo toketā pe mataotao fekauʻaki mo hono taimi'i ʻo hoʻo huhu maluʻi. Te ke lava ʻo maʻu e huhu maluʻi ʻi ha faʻahinga tuʻunga pe ʻo e faitoʻó. Mahalo te ke lava ʻo taimiʻi hoʻo ngaahi ʻapoinimeni huhu maluʻi ʻi he vahaʻa ʻo e faitoʻó ki he 'ene matatali lelei taha.

Ke tokoni ke maluʻi ange koe, poupouʻi ho fāmilí mo e kakai ʻoku ke nofo mo iá ke huhu maluʻi kinautolu ʻi he taimi ʻoku ʻatā ai kiate kinautolú.

Huhu hono tolu ‘o e huhu tefitó kia kinautolu ‘oku uesia 'aupito 'a e me'amalu'i honau sinó

ʻOku ʻi ai ha kakai ʻe niʻihi ʻi he taʻu 5 ʻoku uesia lahi 'enau me'a malu'i honau sinó ʻoku nau lava ʻo maʻu ha huhu tefito hono tolu ʻo e huhu maluʻi COVID-19. ʻE tokoni ʻa e huhu fakalahi makehe ko ʻeni ké ke maʻu ai ʻa e maluʻi lelei taha ‘oku ala lava.

ʻOku totonu ke ma'u ia ʻi ha uike ʻe 8 hili ʻa e huhu malu'i fakahalhi hono ua, ka ʻe lava pe ke fai ia hili ha uike ʻe 4 mei ai, ʻo makatuʻunga ʻi he ngaahi faito'o lolotonga 'oku ala fakavaivai'i e malu'i 'o e sinó 'oku lolotonga fakahoko pe palani'í.

ʻOku faingataʻa ʻa e tuʻunga taau ke maʻu ai ha huhu tefito hono tolu. ʻOku ʻuhinga pe ia ki he kakai ʻoku uesia ‘aupito ai ʻa e me’amalu’i ‘o honau sino.

ʻE lava ke talaatu ʻe hoʻo toketā pe ʻoku ke feʻunga mo e huhu tefito ko ʻeni hono tolu. Kapau ʻokú ke pehē te ke feʻunga, talanoa mo hoʻo toketā pe mataotao sipesielisi fakafaito'ó.

Ko e founga ke ma'u ai 'a e huhu tefito hono tolu

Te ke toki lava pe ʻo maʻu ha huhu tefito hono tolu hili hoʻo sio ki hoʻo sipesielisi fakafaito'ó. Te nau lava ʻo ʻoatu ha tohi faka'atā faitoʻo (prescription) ké ke ʻave ki ha senitā huhu maluʻi.

ʻOku taʻetotongi ʻa e ngaahi ʻapoinimeni mo hoʻo toketā ki ha huhu tefito hono tolu.

Ko e huhu malu'i COVID-19 maʻa e kakai ‘oku uesia lahi ‘aupito honau me’a malu’í | Potungāue Moʻuí

Ho hono ma'u 'o e huhu malu'i fakalahi

Ho hono ma'u 'o e huhu malu'i fakalahi

Kapau ʻoku ʻi ai ha mahaki tauhi ʻoku ne fokotuʻu koe ʻi ha tuʻunga fakatuʻutāmaki ange ke puke lahi ange mei he COVID-19, ʻoku tapou atu koe ké ke maʻu hoʻo huhu fakalahí ʻi he vave tahá.

Te ke lava ʻo maʻu ha huhu fakalahi taʻetotongi he taimi ni kapau:

  • ʻoku ke taʻu 18 pe motuʻa ange, pea
  • ʻoku kakato ho huhu maluʻi, pea
  • 'oku 'ikai toe si'isi'i 'i he māhina 'e 3 mei hoʻo fakakakato hoʻo huhu tefitó (ko e tokolahi taha ʻo e kakaí, ko e huhu ʻeni ʻe 2).

'Okapau 'oku ke ta'u 16 pe 17

Te ke lava ʻo maʻu ha huhu fakalahi Pfizer taʻetotongi kapau:

  • ʻoku kakato ho huhu maluʻi, pea
  • 'oku 'ikai toe si'isi'i hifo he māhina ʻe 6 talu mei hoʻo fakakakato hoʻo kalasi huhu tefito (ki ha kakai tokolahi, ko e huhu ʻeni ʻe 2).

Fakahoko hoʻo huhu maluʻi fakalahi

Expand all
Ko e huhu fakalahi ki he ngaahi kulupu 'oku nau tu'u lavea ngofuá

Ko e huhu fakalahi ki he ngaahi kulupu 'oku nau tu'u lavea ngofuá Kapau ʻoku ke lava'o ma'u, ʻoku totonu ké ke maʻu ia ʻo ʻoua naʻa toe siʻi hifo he mahina ʻe 6 hili ho'o fuofua huhu malu'i fakalahi.

Ko e ni'ihi ko ʻení 'oku fakamu'omu'a ange ke nau ma'u 'a e huhu malu'i fakalahi hono uá:

  • kakai taʻu 65 mo motuʻa ange
  • Kakai Māori mo e Pasifiki taʻu 50 'o fāi hake
  • kakai ʻoku nofo ʻi he ngaahi fale tauhiʻanga ʻo e kau toulekeleká mo e faingataʻaʻia fakaesino
  • ko kinautolu ‘oku uesia 'aupito e me'a malu'i honau sinó pea kuo nau ‘osi ma’u e huhu-3 ‘o e huhu tefitó pea mo ha huhu hono fā ko ha huhu fakalahi ‘uluakí (ʻe hoko ʻeni ko ha huhu hono nima maʻa e kakai ko ʻeni)
  • ko kinautolu taʻu 16 pe lahi ange ʻoku nau fe’ao mo e faingataʻaʻia fakaesinó ‘oku ‘ilonga ‘aupito pe ha ngaahi fokoutua faingataʻaʻia pe ha ngaahi fokoutua 'alu ua kehekehe
  • ko kinautolu ‘oku taʻu 16 pe lahi ange ‘oku ‘i ai honau mahaki tauhi ʻoku ne fakatupulaki ʻa ‘ene tu’u lavea ngofua ke puke lahi he COVID-19.

Ngaahi mahaki tauhi ʻoku ne fakatupulaki ʻa e tu’u lavea ngofua ki he puke lahi mei COVID-19 | Potungāue Moʻuí

ʻOku toe ʻi ai foki mo ha huhu malu’i fakalahi hono ua maʻá e:

  • kakai kotoa pe ʻoku taʻu 50 ‘o fāi haké
  • kau ngāue taʻu 30 'o fā haké ki he potungāue moʻuilelei, feitu'u tokangaekina ʻo e toulekeleká mo e kau ngāue ki he kau faingataʻaʻia fakaesino.

Ko e huhu malu’i hono uá ‘oku te'eki ai ke fiemaʻu ia ki he kakai kei talavou ange ʻoku nau moʻui leleí pea ʻoku ʻikai ke nau maʻu ha ngaahi mahaki tauhi. ʻOku kau heni ʻa e kakai ʻoku nau lolotonga moʻui lelei mo feitama.

Kapau ʻoku ʻikai ke pehē ‘oku ke tu’u lavea ngofua ki he puke lahi mei he COVID-19, ʻoku ʻomi ʻe he huhu-2 he huhu malu’i tefitó mo e huhu fakalahí ha maluʻi lelei mei he puke lahi mei COVID-19.

'Okapau 'oku ke ngāue 'aki ha ngaahi faito'o

'Okapau 'oku ke ngāue 'aki ha ngaahi faito'o

Kapau 'oku ke ngāue 'aki maʻu pe ʻa e ngaahi faitoʻo ki ha mahaki tauhi, ʻoku totonu ké ke kei ngāue 'aki pe kinautolu kimuʻa pea toki huhu maluʻi koe.

Kapau ko ho'o ngaahi faitoʻó ʻoku ne fakavaivai'i e me'a malu'i ho sinó, ʻoku totonu ké ke talanoa ki hoʻo toketā pe mataotao sipēsialisí fekauʻaki mo e taimi ki ho'o huhu maluʻí.

Expand all
'Okapau 'oku ke ngāue'aki ha ngaahi 'enipaiōtiki

Kapau ʻoku ke ngāue'aki ha 'enipaiōtiki, ʻoku malu ké ke maʻu ʻa e huhu maluʻi COVID-19, kapau 'oku ʻikai ké ke ongo'i puke mei ho'o pihiá. Te ke lava ʻo talanoaʻi ʻeni mo hoʻo toketā.

'Okapau 'oku ke ngāue'aki ha ngaahi faito'o fakavaivai'i 'o e totó

Fakahā'i ki hoʻo tokotaha fakahoko 'o e huhú 'i ho ʻapoinimení kapau ʻoku ke ngāue 'aki ha faito'o fakavaivai'i 'o e totó. ʻOku fakahoko ʻa e huhu malu'i COVID-19 ki he uoua ʻo e konga ki 'olunga ho umá, ʻa ia ʻoku ne fakatupulaki ʻa e fakatuʻutamaki ʻo e fānoa e totó ki ha kakai ʻe niʻihi 'oku nau faka'aonga'i e ngaahi faitoʻo ko ʻeni.

ʻOku ʻikai ke ʻi ai ha fakatuʻutamaki ʻo e fānoa e totó ʻi he huhu maluʻi.

Kapau kuo ke a’usia ha kaungakovi (allergic) ki ha faʻahinga huhu maluʻi

Kapau kuo ke a’usia ha kaungakovi (allergic) ki ha faʻahinga huhu maluʻi

Kapau a'usia ha uesia kovi 'aupito pe ola kaungakovi he taimi pe ko iá ki ha fa'ahinga huhu malu'i pe huhu 'i he kuohilí, fakahā'i eni ki ho toketā pe tokotaha faihuhú.

Kapau ʻoku ʻi ai haʻo hisitōlia ʻo e anaphylaxis (kaungakovi fakatupunga mei ha me’a ‘oku hu/uesia ki ho sino)

ʻOku totonu ké ke talanoa ki hoʻo toketā pe ko e fē ʻa e huhu maluʻi ʻoku feʻunga mo koé kapau ʻoku ʻi ai haʻo hisitolia ʻi he anaphylaxis:

  • ki ha faʻahinga me’a ne ngaohi 'aki 'oku ʻi he huhu maluʻi Pfizer pe Novavax
  • ki ha huhu kimuʻa ʻo e Huhu maluʻi Pfizer pe Novavax.

 

'Okapau te ke ma'u 'a e faka'ata CT scan, mammogram (faka'ata huhu) pe faka'ata hili ho'o huhu malu'i

'Okapau te ke ma'u 'a e faka'ata CT scan, mammogram (faka'ata huhu) pe faka'ata hili ho'o huhu malu'i

Fakahā'i ke ʻiloʻi ʻe he tokotaha faifaka'atā pe toketā ne toki huhu maluʻi koe ki muini mai.

ʻE lava ke faʻa fakatupu ʻe he huhu maluʻí he taimi ʻe niʻihi ʻa e fufula 'o e limí ʻi hoʻo fa'afiné ʻi ha ngaahi ʻaho siʻi. ʻE lava ke mamataʻi ʻeni ʻi he mammogram (faka'ata huhu) pe fakaʻata ʻo aʻu ki ha ngaahi uike siʻi pe ʻi ha faka'ata CT scan, kau ai ʻa kinautolu ʻoku fakaʻaongaʻi ke fakapapau'i mo vakaiʻi ki he 'ū kanisā.

Kapau ʻoku ke fiemaʻu ha faka'ata CT scan, mammogram (faka'ata huhu) pe fakaʻata, ʻoku ʻikai totonu ké ke toloi ʻa e ngaahi ʻapoinimeni ko ʻeni. Kapau ʻoku ʻi ai ha meʻa ʻokú ke hohaʻa ki ai, fakahā'i kinautolu ki hoʻo mataotao sipesialisi pe tokotaha faifaka'atā.

Faleʻi ki he huhu maluʻi kapau ʻoku ʻi ai haʻo mahaki tauhi
'Okapau 'oku 'i ai ha'o ngaahi fehu'i pe hoha'a

Kapau ʻoku ke fie talanoa fekau’aki mo ha ngaahi fehuʻi pe hoha’a, te ke lava ʻo telefoni ki he laine e Potungāuemo’uí ki he Huhu Malu’i Covid ʻi he 0800 28 29 26 mei he 8am ki he 8pm, ʻaho ʻe 7 he uike.

ʻE lava ke talanoa ʻa e timi ki hoʻo ngaahi hohaʻa, pea kapau ʻe fiemaʻu, te ne lava ʻo ʻave koe ki ha polofesinale fakafaitoʻo.

'Okapau 'oku 'i ai ha'o ngaahi fehu'i pe hoha'a
ʻIlo lahi ange