Ngaahi paasi mo e tohi fakamo'oni 'o e huhu malu'i COVID-19

Fekumi ki he founga ke maʻu ai e ‘ū paasi huhu maluʻi mo e ngaahi tohi fakamoʻoni te ke lava ʻo fakaʻaongaʻi ko ha fakamoʻoni ʻo e huhu maluʻi ʻi Nuʻusila pea mo e taimi fefolau’aki ki muli.

Fakamoʻoni ʻo e tuʻunga ʻo e huhu maluʻi COVID-19

Feinga ke ʻiloʻi e taimi ke fakaʻaongaʻi ai ha International Travel Vaccination Pass (Paasi Huhu Malu'i Fefolau'aki Fakavaha'apule'anga), My Vaccine Pass ('Eku Paasi Huhu Malu'i) pe COVID-19 ko ha fakamoʻoni ia ʻo ho'o tuʻunga huhu maluʻi.

Ko e tohi Fakamo'oni 'o e Huhu Malu'i ki he Fefolau'aki Fakavaha'apule'anga

Ko e taimi te ke fiema'u aí

Ko e taimi te ke fiema'u aí

ʻOku ʻatā ʻa e tohi fakamoʻoni ko ʻeni ki ha taha pe ʻoku taʻu 5 pe lahi ange kuo ne huhu ha huhu maluʻi COVID-19 ʻi Nuʻusila ni.

ʻOku mau toe fokotuʻu atu foki ke taunilouti ha tatau ʻo hoʻo ngaahi lekooti huhu maluʻi COVID-19 mei he 'Eku Lēkooti Covid ke fakaʻaongaʻi fakataha mo hoʻo Tohi Fakamoʻoni Huhu Maluʻi Fakavahaʻapuleʻanga.

Ko e fakamatala 'oku hā 'i ai

ʻOku ʻi hoʻo tohi fakamoʻoni huhu maluʻi fakavahaʻapuleʻanga ha kouti QR mo ha fakamatala fekauʻaki mo e huhu maluʻi COVID-19 kuo ke maʻu ʻi Nuʻusila ni.

Kuo pau ke tatau e ngaahi fakaikiiki ʻi aí mo hoʻo paasipōtí — te ke lava ʻo vakaiʻi ʻeni ʻi he taimi ʻokú ke kole ai ʻa e tohi fakamoʻoní.

ʻOku fenāpasi ʻa e Tohi Fakamoʻoni Huhu Maluʻi Fakavahaʻapuleʻanga mo e ngaahi tuʻunga e EU ki he Tohi Fakamoʻoni Fakakomipiuta ‘o e COVID.

ʻOku ʻaonga ia ʻi ha māhina ʻe 12.

Maʻu ha Tohi Fakamoʻoni Huhu Maluʻi Fakavahaʻapuleʻanga

Expand all
'Okapau na'a ke ma'u ho'o huhu malu'i COVID-19 mei tu'apule'anga

ʻE fakahaaʻi pe ʻe hoʻo Tohi Fakamoʻoni Huhu Maluʻi Fakavahaʻapuleʻanga ʻa e Huhu Maluʻi ʻo e COVID-19 ʻoku fakahoko ʻi Nuʻusila ni.

Kapau naʻe ʻi ai haʻo huhu maluʻi COVID-19 ʻi tu’apule’anga, ʻoku totonu ké ke kole ha tohi fakamoʻoni mei he fonua ko iá.

'Okapau 'oku 'i ai ha'o tohi faka'atā fakafaito'o

ʻOku toki ʻaonga pe ʻa e faka’atā tu’unga fakafaitoʻo fakataimi ʻi Nuʻusila ni pea he ʻikai ʻasi ia ʻi hoʻo Tohi Fakamoʻoni Huhu Maluʻi Fakavahaʻapuleʻanga.

Kapau ʻoku ke palani ke folau ki muli, ʻe fiemaʻu ké ke vakaiʻi ʻa e ngaahi fiemaʻu ki he huhu maluʻi COVID- 19 mo e ngaahi tuʻutuʻuni faka'atā ʻo hoʻo kautaha vakapuná mo e fonua ʻoku ke folau ki aí.

Ko e tohi Fakamo'oni 'o e Huhu Malu'i ki he Fefolau'aki Fakavaha'apule'anga
My Vaccine Pass ('Eku Paasi Huhu Malu'i)

Ko e taimi te ke fiema'u aí

Ko e My Vaccine Pass ('Eku Paasi Huhu Maluʻi) ko ha lekooti ia ʻo hoʻo huhu maluʻi COVID-19 ʻe ala ke kole atu ké ke fakaʻaliʻali fakalotofonua 'i Nuʻusilá ni.

Neongo ʻoku ʻikai ke ʻi ai ha fiemaʻu fakalao ki he ngaahi pisinisi ke fakaʻaonga'i e My Vaccine Pass ('Eku Paasi Huhu Maluʻi), ka ʻe ala ke fili ha niʻihi ke faka'ali'ali ange ko ha makatu'unga 'o e hū'angá.

'E malava ké ke ma'u e fakamuimuitaha 'o e My Vaccine Pass ('Eku Paasi Huhu Malu'i) 'okapau 'oku ke ta'u 12 pe lahi ange pea 'oku ke ma'u e huhu malu'i fakamuimui taha 'o e COVID-19 pe ha tohi faka'atā fakafaito'o fakataimi. Ko e My Vaccine Passes ('Eku Paasi Huhu Malu'i) 'oku 'ikai fiema'u pe 'atā atu ia ki he longa'ifānau ta'u 5 ki he 11.

ʻOku ʻaonga ia ʻi ha māhina ʻe 6.

Ko e mahu'inga ho'o ma'u kotoa e fakamuimui taha 'o ho'o huhu malu'i COVID-19

  • Kapau kuo ke taʻu 18 pe motuʻa ange — ʻoku ke fiemaʻu ha ngaahi huhu tefito ʻe 2, pea tānaki atu ki ai mo ha huhu fakalahi.
  • Kapau ʻoku ke taʻu 12 ki he 17—ʻoku ke fiemaʻu ha huhu 'e 2 'o e ngaahi huhu tefito.
Expand all
'Okapau na'a ke puke 'i he COVID-19 'i he māhina 'e 3 kuo hilí

ʻOku fokotuʻu atu ké ke tatali ʻi ha māhinaʻe 3 hili ho sivi ola positivi kimuʻa pea ke toki maʻu ha huhu maluʻi COVID-19 'oku ke fiema'u ka ke ma'u e huhu fakamuimui tahá. Kapau ʻokú ke ʻi he tūkunga ko ʻení, ʻe lava ké ke kole ha My Vaccine Pass ('Eku Paasi Huhu Malu'i) fakataimi pē ʻokapau:

  • ʻoku ke taʻu 18 pe motuʻa ange pea kuo ke fakakakato hoʻo ngaahi huhu tefito COVID-19 (angamaheni ʻaki ha huhu ʻe 2)
  • ʻoku ke taʻu 12 ki he 17 pea kuo ke maʻu hoʻo fuofua huhu ʻo ha huhu maluʻi COVID-19.

Te ke toki lava pe ʻo maʻu ha'o 'Eku Paasi Huhu Malu'i fakataimí 'i he 'Eku Lēkooti Covid kapau kuo līpooti ho ola positiví ʻi he taimi ʻo ho’o pihiá.

Kapau naʻe ʻikai ké ke līpooti ho ola positivi COVID-19, te ke lava ʻo maʻu ha My Vaccine Pass ('Eku Paasi Huhu Malu'i) fakataimi ʻaki haʻo telefoni ki he 0800 28 29 26 (8am ki he 8pm, 'i he ʻaho ʻe 7 he uike).

Ko e ngaahi paasí ‘oku tuku atu ‘i he malumalu ‘o e founga faka’atā ‘oku ‘aonga pe he ʻaho ʻe 130 mei he ‘uluaki taimi naʻa ke fuofua maʻu ai ha ngaahi fakaʻilonga puke.

'Okapau ne toki hoko ho ta'u 18

Kapau na’a ke toki taʻu 18, ʻoku fakaʻatā fakataimi koe mei hoʻo ma’u e fakamuimui taha ‘o hoʻo huhu maluʻi COVID-19.

Te ke lava 'o ma'u ha My Vaccine Pass ('Eku Paasi Huhu Malu'i) fakataimi ka kuo pau ké ke 'uluaki ma'u ho'o huhu malu'i fakalahí 'i loto 'i he 'aho 30 'okapau 'oku ke malava 'o ma'u.

'Okapau 'oku ke ta'u 18 pe lahi ange ka 'oku te'eki ké ke malava 'o ma'u ho'o huhu malu'i fakalahi

Kapau ‘oku ke taʻu 18 pe lahi ange ka naʻa ke toki fakakakato pe hoʻo huhu ʻe 2 kimui ni mai, te ke kei lava pe ʻo maʻu e My Vaccine Pass ('Eku Paasi Huhu Malu'i). ʻE ʻosi hono taimi ‘aonga hili ha māhina ʻe 6 mei hoʻo huhu hono uá. Te ke lava ʻo maʻu e fakamuimuitahá hili hoʻo maʻu hoʻo huhu malu’i fakalahí.

'Okapau na'a ke ma'u ho'o huhu malu'i COVID-19 mei tu'apule'anga

Kapau ʻoku ke fiemaʻu ha My Vaccine Pass ('Eku Paasi Huhu Malu'i)ʻo ho’o huhu maluʻi COVID-19 ʻi tu’apule’anga, te ke lava ʻo ʻomi ha fakamoʻoni ki he Potugāue Moʻui 'aki hoʻo fakaʻaongaʻi ʻa e foomu fakahū huhu maluʻi mei tu’apule’angá.

Fakahū ʻo ha huhu maluʻi mei tuʻapuleʻanga | Potugāue ʻMoʻuí

'Okapau ne ke toki foki mai mei tu'apule'anga

ʻE lava ké ke maʻu ha paasi fakataimi kapau te ke tū’uta ‘i Nuʻusila pea ʻoku:

  • ʻikai te ke ma’u e fakamuimuitaha hoʻo ngaahi huhu maluʻi pe
  • kuo teʻeki ké ke maʻu ha taha ʻo e ngaahi huhu maluʻi kuo ʻosi fakangofua ke hoko ko ha huhu malu’i tefito pe ha huhu malu’i fakalahi.

kuo teʻeki ké ke maʻu ha taha ʻo e ngaahi huhu maluʻi kuo ʻosi fakangofua ke hoko ko ha huhu malu’i tefito pe ha huhu malu’i fakalahi.

ʻOku ʻoatu ʻeni ha ʻaho ʻe 30 mei he ʻaho naʻa ke tūʻuta aí ke maʻu ha huhu maluʻi COVID-19 ʻi Nuʻusila.

Ngaahi huhu maluʻi tu’apule’angá mo e My Vaccine Pass ('Eku Paasi Huhu Malu'i) | Potugāue Moʻuí

'Okapau 'oku ke fiema'u ha My Vaccine Pass (Ngaahi Paasi Huhu Malu'i) kia kinautolu 'i ha kulupu 'oku ke tauhi

Ki ha kulupu si'isi'i tokosi'i ange he toko 10

Ke kole ha My Vaccine Pass ('Eku Paasi Huhu Malu'i) ki ha fanga ki’i kulupu iiki ‘i ha toko 10, kātaki ʻo poupouʻi mo tokoniʻi ʻa e tokotaha fakafoʻituitui takitaha ke nau lava ‘o ma’u ‘enau paasí ‘ia kinautolu pe.

Ki ha kulupu 'o ha toko 10 pe lahi ange

Te ke toki lava pe ʻo kole e My Vaccine Pass ('Eku Paasi Huhu Malu'i) ma'a ho'o kulupú 'okapau ko ho'o potungāué ‘oku nau tokangaʻi totonu pe tokangaekina ʻa e kakai ʻoku nau fiemaʻu tokoni ke maʻu e My Vaccine Pass ('Eku Paasi Huhu Malu'i). Hangē ko ʻení, ko kinautolu ʻoku nau nofo ‘i he ‘api nofo’anga ‘oku tokonga’i ai kinautolu, pe kakai faingataʻaʻia fakaesino ʻoku nau fiemaʻu ke tokangaʻi mo poupouʻi kinautolu.

Te ke lava ʻo kole e ‘Eku ‘Ū Paasi Huhu Malu’i ki ha fanga ki’i kulupu ‘e toko 10 pe tokolahi ange kapau ‘oku ke maʻu:

  • mafai ke kole ʻa e lēkooti huhu maluʻi ʻa e mēmipa takitaha ʻo e kulupu, pea ʻe lava ke ne ʻomi ha fakamoʻoni ʻo e mafai ko ʻeni ki he Potungāue Moʻuí ka kole atu
  • ko ha lēkooti ʻo e fika NHI ʻa e memipa takitaha ʻo e kulupu, pea maʻu ʻa e mafai mei he mēmipa takitaha ʻo e kulupu ke vahevahe ʻeni mo e Potungāue Moʻuí
  • mafai mei he mēmipa takitaha ʻo e kulupu ke vahevahe ha fakamatala fakatāutaha (hingoa, NHI, ʻaho faʻeleʻi, tuʻasila) mo e Potungāue Moʻuí.

Ke kole ‘a e ‘ū paasí, fakafonu ‘a e foomu ʻi he ʻinitanetí:

Kole Fakakulupu ki ‘Eku ‘Ū Paasi Huhu Maluʻí | Potungāue Moʻuí

Kapau ʻoku ʻi ai haʻo fehuʻi, ʻīmeili cvipdatarequests@health.govt.nz

Ko ho'o lekooti huhu malu'i COVID-19

Ko e taimi te ke fiema'u aí

ʻE lava ke fakaʻaongaʻi ia:

  • ko ha fakamoʻoni hoʻo ngaahi huhu maluʻí kapau ʻe fiemaʻu ʻe ha pulengāue — kau ai e tuʻutuʻuni pau ki he huhu maluʻi ʻa Nuʻusilá
  • fakataha mo hoʻo Tohi Fakamoʻoni Huhu Maluʻi Fakavahaʻapuleʻanga.

He ʻikai lava ke fakaʻaongaʻi hoʻo lekooti huhu maluʻi kae ʻikai ko ‘Eku Paasi Huhu Maluʻi pe ko ha Tohi Fakamoʻoni Huhu Maluʻi Fakavahaʻapuleʻanga.

Ko e fakamatala 'oku hā 'i ai

ʻOku kau ʻi hoʻo lēkooti huhu maluʻi COVID-19 ʻa e:

  • ngaahi fika ʻo e kulupu (batch) foaki
  • fika ʻo e huhu
  • faʻahinga ʻo e huhu maluʻi
  • ha faʻahinga huhu maluʻi fakatu’apule’anga kuo ke kole ke tānaki atu ki hoʻo lēkooti moʻui lelei.

Maʻu ha lekooti huhu maluʻi COVID-19

Ko e founga ké ke ma'u ai 'a e fakamo'oni ho'o tu'unga huhu malu'i COVID-19

'Initaneti

Te ke lava ʻo taunilouti hoʻo Tohi Fakamoʻoni Huhu Maluʻi Fakavahaʻapuleʻanga, ‘Eku Paasi Huhu Maluʻi pe huhu malu'i COVID-19 mei he ‘Eku Lēkooti Covid.

Founga hono fakaʻaongaʻi ʻEku Lēkooti COVID

'I he telefoni

Te ke lava ʻo maʻu hoʻo Tohi Fakamoʻoni Huhu Maluʻi Fakavahaʻapuleʻanga pe ‘Eku Paasi Huhu Maluʻi ʻaki haʻo telefoni ki he Laine COVID e Potungāue Mo’ui. ʻOku nau ‘atā ʻi he vahaʻa ʻo e 8am mo e 8pm, 'i he ʻaho ʻe 7 he uike. Tā ki he: 0800 28 29 26, lomi'i e fili fika 4.

A'u tonu ki ai

Te ke lava ʻo maʻu hoʻo Tohi Fakamoʻoni Huhu Maluʻi Fakavahaʻapuleʻanga pe 'Eku Paasi Huhu Malu'i ʻi ha ngaahi feituʻu fai'anga huhu malu'i. Tōmuʻa fetuʻutaki kiate kinautolu ke fakapapauʻi pe ʻoku nau fai ʻa e ngāue ko ʻení.

Ngaahi feituʻu fai’anga huhu maluʻi COVID-19 | Healthpoint

My Vaccine Pass ('Eku Paasi Huhu Malu'i)
ʻIlo lahi ange